नेपालविरुद्ध भारत : इतिहासले के भन्छ ? (भाग ७)

काठमाडौं । यो अन्तिम भाग हो, नेपालविरुद्ध भारतबीच भएका इतिहास पस्कने प्रयासको ।

यी दुई देशबीच भएका २० खेलमध्ये हामीले यसअघिका प्रस्तुतीमा १८ प्रतिस्पर्धाको चर्चा गरिसकेका छौं, अब पालो अन्तिम दुई खेलको ।

यी दुई खेलमध्ये दुवैमा नेपाल पराजित रहेको छ । त्यस अर्थमा नेपालले भारतलाई हराउन नसकेको आठ वर्ष भएको छ । नेपाली फुटबल प्रेमी पक्कै पनि नेपालको अर्को जितको प्रतीक्षामा हुनेछन् ।

अहिलेका लागि दुई छिमेकी देशबीच भएका पछिल्ला दुई खेलबारे चर्चा गर्नेछौं ।

१९. २०१५ डिसेम्बर २७, त्रिवेन्द्ररम

साफ च्याम्पियनसिपको त्यस संस्करणमा नेपालको समूहमा खालि तीन टिम मात्र थिए, नेपालसँगै भारत र श्रीलंका ।

नेपालको पहिलो खेल श्रीलंकाविरुद्ध थियो र त्यसमा पराजित भयो । त्यस्तोमा नेपालसामु भारतमाथिको लिग चरणको दोस्रो खेलमा जित निकाल्न अनिवार्य थियो ।

प्रशिक्षक प्याट्रिक ओसेम्सले आक्रमक रणनीति अपानाए । यस्तोमा सुरुमै नेपालले गोल निकाल्न पनि सफल रह्यो, विमल घर्तिमगरको सहयोगले ।

तर त्यसपछि भने खेलमाथि नेपालको पकड गुम्यो र भारत ४–१ ले विजयी रह्यो ।