काठमाडौं । नेपाली राष्ट्रिय महिला फुटबल टिमकी कप्तान तथा गोलकिपर अन्जिला तुम्बापो सुब्बाको वायोपिक ‘अन्जिला’ फागुन २९ गतेबाट प्रदर्शनमा आउँदैछ ।
यो फिल्मबाट उठेको पैसाले अन्जिलाको घर बनाइदिने निर्देशक मिलन चाम्सले बताएका छन् ।
‘हाम्रो प्रोड्युसरको लक्ष्य भनेको प्रोजेक्ट अन्जिला घर हो, अन्जिलाको घर बनाइदिने र यसमा दयाहाङ (राई)को विशेष साथ छ,’ निर्देशक मिलन चाम्सले भने, ‘फिल्मले व्यापार राम्रो गरोस्, नराम्रो गरोस्, जस्तोकसुकै गरोस् तरपनि हामी कुनैपनि हालतमा अन्जिलाको घर बनाउँछौं भन्ने छ । प्रोड्युसरले योजना सुनाउनुभएको छ, राम्रो छ । दर्शकको साथ चाहि चाहिन्छ । घर बन्यो भने अन्जिलाको फुटबल एकेडेमी पनि बनाउनेछौं । अन्जिलाको घर बनाउने जतिको महान कार्य अर्को हुँदैन ।’
वीर विक्रम, गोर्खा वरियर, लिली बिलीलगायत झण्डै दर्जन फिल्म निर्देशक गरिसकेका चाम्सले अन्जिलाको घर काठमाडौं उपत्यकामै बनाउने पनि बताए । अहिले ग्रीसको शीर्ष डिभिजन क्लब नीस अत्रोमितोउमा खेल्ने तयारीमा व्यस्त रहेकी अन्जिला इलामकी हुन् । उनी अर्को महिना फोर नेसन्स कप खेल्न स्वदेश फर्किनेछिन् ।
फिल्म कसरी बन्यो रु निर्देशक चाम्सले भने, ‘प्रेमकुमार श्रेष्ठ ९निर्माता० को आइडिया सुनेपछि मन पर्यो । अन्जिलासँग धेरैचोटि कुरा भयो । रिसर्च गर्ने काम भयो । अनि अन्जिलाको संघर्षको सफलताले एकदमै मन छोयो । फिल्म पनि त्यस्तै बनेको छ । त्यसहिसाबले समाजमा राम्रो खालको सन्देश जाओस्, हामो खेल क्षेत्रलाई पनि प्रवद्र्धन गरौं भन्ने हिसाबले अन्जिलालाई प्रतिनिधि पात्रको रुपमा लिएर फिल्म निर्माण गरौं । सरकारले थाहा पाउँछ, आम मान्छेले पनि थाह पाउँछ भनेर बनाइयो ।’
सशस्त्र प्रहरी बलमा आबद्ध अन्जिलाको खेल र जीवनको वास्ताविक पाटोलाई समेटिएको वायोपिक अन्जिलाको प्रिमियर शो हङकङमा भइसकेको छ भने युकेमा फेब्रुअरी १४ मा हुँदैछ । प्रेमकुमार श्रेष्ठद्वारा निर्मित यो फिल्म नेपालमा फागुन २९ गतेदेखि प्रदर्शन गरिनेछ ।
-1736692535.jpeg)
