भिन्सेन्जो सफल कि असफल ?

काठमाडौं । नेपाली राष्ट्रिय टिमका मुख्य प्रशिक्षक भिन्सेन्जो अल्बर्टो एनेसको विश्वकप २०२६ छनोटको अन्त्यसँगै अखिल नेपाल फुटबल संघ ९एन्फा० सँगको सम्झौता सकिएको छ । मार्च, २०२३ यता नेपाली टिम सम्हाल्दै आएका यी इटालियन प्रशिक्षकको नेतृत्वमा नेपालले खेलेका १८ खेलमा २२ प्रतिशतमात्रै जित हात पारेको छ ।

भिन्सेन्जोको कार्यकाल सफल कि असफल ?

राष्ट्रिय टिमका पूर्वखेलाडी विक्रम लामा भन्छन्, ‘जुन किसिमको वातावरणमा उहाँले काम गरिरहेका छन्, त्यसमा सफल वा असफल भन्न हामी सक्षम छौं जस्तो लाग्दैन । किनभने उनको प्राविधिक मापदण्ड होला, माग होला, यो किसमको नतिजा चाहिन्छ भन्नुभएको होला । त्यसैले यसको निर्णय एन्फाले गर्ला । तर, व्यक्तिगत खेलाडीको हिसाबमा योभन्दा राम्रो गर्न सकिन्थ्यो, गर्नुपथ्र्यो भन्ने हो ।’

दशरथ रंगशालालाई एसियाली फुटबल महासंघ ९एएफसी० ले खेल आयोजना गर्न आयोग्य ठहर गरेपछि नेपालले घरेलु खेलको रुपमा यमनविरुद्ध साउदी अरेबियाको दमाममा २–२ को बराबरी खेल्दै विश्वकप २०२६ छनोटको यात्रा बुधबार टुंग्याएको थियो । कप्तान किरण चेम्जोङको कीर्तिमान १ सयौं खेलको रुपमा रहेको उक्त खेलसँगै प्रशिक्षक भिन्सेन्जोको सम्झौता सकिएको हो । नेपाली टिम विहीबार विहानै स्वदेश फर्किसकेको छ ।

छनोटको अन्तिम खेलमा आएर मात्रै गोल र अंकको खाता खोलेको नेपाली टिमले अघिल्ला ५ खेल हारेको थियो । भिन्सेन्जोले सम्हालेको नेपाली टिमले ४ खेल जित्यो भने ५ बराबर र ९ हारको नतिजा निकाल्यो । साफ च्याम्पियनसिप २०२३ मा नेपाली टिम समूह चरणबाटै बाहिरियो । यसवीच नेपालले लाओस र पाकिस्प्तानमाथिमात्रै जित हात पार्यो । तैपनि भिन्सेन्जोको सम्झौता नवीकरण गर्ने पक्षमा एन्फामा बहस भइरहेको छ ।

राष्ट्रिय टिमका नयाँ प्रशिक्षक कस्तो हुनुपर्छ ?

नेपाल फुटबल खेलाडी संघका अध्यक्षसमेत रहेका लामा भन्छन्, ‘नेपाली फुटबलको वातारण बुझेको हुनुपर्यो । फिजिकालिटी कस्तो किसिमको छ रु नेपाली खेलाडी कस्तो किसिमको गेम खेल्न रुचाउँछन् रु हामीसँग व्यक्तिगत रुपमा गु्रमिङ भएका, खुबी भएका खेलाडी धेरै छन् । त्यस्ता खेलाडीलाई सिद्धान्तमा ढाल्नसक्ने प्रशिक्षकको खाँचो छ, जसले नेपाली फुटबललाई उचाई दिनसक्छ ।’