काठमाडौं । नेपाल सुपर लिग (एनएसएल)को अक्सनमा स्ट्राइकर सुजल श्रेष्ठलाई चार टोलीले अधिकतम मूल्यसम्म बिट लगाएका थिए । अक्सनमा समूह एमा रहेको उनको न्युनतम मूल्य एक लाख थियो ।
चार टोली पोखरा, धनगढी, काठमाडौं र बिराटनगरले बिट लगाउँदा उनको मूल्य २ लाख रुपैँयासम्म पुगेको थियो । अक्सनमा धेरै क्बलको रोजाइमा परेको सुजल गोलाप्रथाबाट पोखरा थन्डर्समा पुगे । १३ औं दक्षिण एसियाली खेलकुद सागका स्वर्ण विजेता कप्तान सुजल पोखरा थन्डर्समा अनुबन्ध भए ।
सर्वाधिक मूल्यमा बिक्री भएका खेलाडी मध्येका एक सुजलले चोटका कारण आफुलाई खेलाडीको रुपमा एनएसएलमा उभ्याउन भने सकेनन् । घरेलु मैदानमा सम्पन्न थ्री नेसन्स कपको पहिलो खेलमानै ‘काल्फ’मा चोट बोकेपछि उनको पहिलो संस्करणको एनएसएल खेल्ने सपना अधुरै रह्यो ।
सुजलले चोटका कारण खेल्न नसक्ने भएपछि पोखराले राष्ट्रिय टोलीका अर्का सदस्य रवि शंकर पासवानलाई टोलीमा समावेश गरेको थियो । नेपाली राष्ट्रिय टोलीका नियमित सदस्य रहेका रवी एनएसएलको अक्सनमा अनसोल्ड भएका थिए । अक्सनको समूह 'ए' मा रहेका उनलाई कुनै पनि टोलीले आफ्नो टोलीमा अनुबन्ध गर्न चासो नदेखाएपछि उनी अनसोल्ड भएका थिए । तर, सुजलले चोट बोकेपछि विकल्पको रुपमा रवि पोखरामा अनुबन्ध हुन पुगे ।
चिकित्सकको सल्लाहअनुसार कम्तिमा चार साता आराम गर्नुपर्ने भएपछि उनले पोखरा थन्डर्सबाट नाम फिर्ता लिएका थिए । तर, लक्ष्मी हुन्डाईको स्वामित्वमा रहेको पोखरा थन्डर्स उनले छाड्न चोहन । चोटका कारण सुजल टोलीमा खेलाडीको रुपमा नरहेने भए । उनलाई टिमले फरक जिम्मेवारी दिने निर्णय गर्यो । उनी पोखराको टिम व्यवस्थापक बन्दै फरक भुमिकामा एनएसएलमा जोडिए ।
‘खासमा मलाई पोखराले खेलाडीको रुपमा भित्र्याएको हो । तर, इन्जुरी भएपनि टिमले मलाई सम्मान स्वरुप व्यवस्थापकको जिम्मेवारी दियो ।’ सुजलले खेलपाटीसंग सुनाए, ‘खेल्न नसक्ने भएपछि टिम हेर्न र टिमसँगै प्रशिक्षण गर्नका लागि व्यवस्थापकको जिम्मेवारी दिईएको हो । टिमले गर्दा फुटबलबाट टाढा हुन पाईन ।’
पोखराले सुजलको भुमिका नफेरेको भए सायद उनी यतिबेला घरमा हुन्थे । घरमै बसेर टेलिभिजन सेटमा एनएसएल हेरिरहेका हुन्थे । तर, खेलाडीको रुपमा भित्रिएका उनलाई भुमिका फेर्दै पोखराले एनएसएलबाट अलग हुन दिएन ।
‘खेलाडीको रुपमा पोखरामा भित्रिए पनि चोट बोके । टोलीबाट बाहिर रहेको भए अहिले घरमा बसेर टेलिभिजन हेरिरहेको हुन्थे होला । तर, उहाँहरुले मलाई प्रत्यक्ष फुटबल हेर्ने अवसर पनि दिनु भयो ।’ सुजलले भने, ‘पहिलो चोटी व्यवस्थापकको रुपमा काम गरेकोले यसलाई परिक्षणको रुपको लिएको छु । मैदानमा खेल्न नपाएकोमा दुख छदैछ । तर, एउटा क्लबले खेलाडीप्रति गरेको माया र सहयोगले धेरै खुसी छु ।’
उनले आफु खेलाडी हुँदाभन्दा टिम व्यवस्थापकमा भिन्न प्रकारको दबाब हुने बताए । उनले मैदानमा हुने दबाब र मैदान बाहिरको दबाब निकै फरक अनुभव भएको सुनाए ।
उनले भने, ‘एउटा खेलाडीको रुपमा अर्कै दबाब हुन्छ भने व्यवस्थापक बन्दा छुट्टै दबाब हुँदो रहेछ । खेलाडीनै भएकाले मैदानको दबाब सहने बानी भैसकेको हुन्छ । तर, मैदान बाहिरको दबाब प्रतियोगिताभर हुने रहेछ ।’
उनले थपे, ‘मैले हेरिरहेको टिममा केही नराम्रो हुन्छ की । टिमलाई केही पुगेन की । व्यवस्थापक भएपछि गर्नु पर्ने केही अरु पनि थियो की । अझ के गर्दा राम्रो हुुन्छ । के दिँदा राम्रो हुन्छ । आदी इत्यादी विषय सोचिने रहेछ । जसले केही दबाब सृजना भइहन्छ ।’
उनले एनएसएलका लागि पहिलो संस्कणमा व्यवस्थापकको भुमिकामा देखिए पनि आफु खेलाडी नै रहेको बताए । उनले यस संस्करणका लागि मात्रै व्यवस्थापकको भुमिका निभाएको जानकारी दिए ।
‘प्लेयर बक्समा व्यवस्थापकको रुपमा बसे पनि म खेलाडी हो । मैदानमा उनीहरुले खेल्दा यता मेरो पनि खुट्टा चलिरहेको हुन्छ । खेलाडीले बल हान्दा मेरो खुट्टाले पनि बल हान्न खोज्छ ।’ उनले भने, ‘बक्समा बस्दा मैले गोल गर्थे भन्दा पनि मैले खेल्न पाए मात्रै हुन्थ्यो जस्तो लाग्छ । केही मात्रामा भएपनि टोलीलाई बल पुग्ने थियो कि भन्ने सोचिने रहेछ ।’
सुजलले आफु व्यवस्थापक भएको टोलीको स्कोर नहुँदा निकै दुख लाग्ने गरेको बताए । उनले खेलाडीले मिहिनेत गर्दा गर्दै पनि स्कोर नहनुु दुखद भएको बताए ।
‘टोलीको स्कोरिङ निस्केको छैन । यो हैन कि खेलाडीले मिहिनेत गरेका छैनन् । आफुले सक्ने प्रयास गरिरहेका छन् । प्रयास नगरेको भए अर्को कुरा हुन्थ्यो । तर उनीहरुले सक्दो शक्ति दिएका छन् ।’ उनले भने, ‘कहिले काँही त्यस्तो हुन्छ । म पनि खेलाडी हो । त्यो पिडा मसँग पनि छ । त्यसैले म फरवार्ड लाइनलाई दोष दिन चाहन्न ।’
चोटका कारण एनएसएल गुमाएपनि उनले आफु चोटबाट मुक्त भएको जानकारी दिए । उनले आफु पूर्ण फिट नभएपनि पहिले भन्दा धेरै ठिक भईसकेको बताए ।
-1734879364.jpg)
-1734875597.jpg)
