महिला बास्केटबल लिगमा पुलिस च्याम्पियन

काठमाडौं । विभागीय टोली नेपाल पुलिस क्लबले पहिलोपटक आयोजना भएको क्विक्स नेपाल महिला बास्केटबल लिगको उपाधि जितेको छ ।

 

शनिबार भएको फाइनलमा भाट-भटेनी समृद्धि गोरिल्लाजलाई पराजित गर्दै पुलिस च्याम्पियन बनेको हो । 

 

त्रिपुरेश्वरस्थित राखेपको कबर्ड हलमा पुलिसले समृद्धि गोरिल्लाजलाई ६५-५२ अंकले पराजित गर्यो । पुलिसविरुद्ध पहिलो क्वार्टरमा १२-८ ले अग्रता बनाएपनि समृद्धिले त्यसपछिको क्वार्टरमा पछि पर्दै उपाधि जित्नबाट बन्चित भयो  । 

 

समृद्धिविरुद्ध पुलिसले दोस्रो क्वार्टरमा १९-१७, तेस्रोमा २२-१३ र चौंथोमा १६-१० अंकले अग्रता बनाएर जित निकालेको हो । 

 

उपाधिसंगै पुलिसले २ लाख नगद पुरस्कार प्राप्त गरेको छ । उपविजेता बनेको समृद्धिले १ लाख प्राप्त गर्यो ।