काठमाडौं । टाईम्स इन्टरनेसनल बास्केटबल क्लब क्विक्स नेपाल बास्केटबल लिगको फाइनलमा प्रवेश गरेको छ । बिहिबार भएको दोस्रो क्वालिफायरमा नेपाल पुलिस क्लबलाई पराजित गर्दै टाईम्स फाइनलमा पुगेको हो ।
त्रिपुरेश्वरस्थित राखेपको कबर्ड हलमा बिहिबार दोस्रो क्वालिफायरको दोस्रो खेलमा टाईम्सले नेपाल पुलिस क्लबलाई ७२-५४ स्कोरले पराजित गर्यो । जितसंगै तीन खेलको सिरिजमा टाईम्सले २-० को जित निकाल्दै फाइनलमा स्थान बनाएको हो ।
अब फाइनलमा टाईम्सले त्रिभुवन आर्मी क्लबसँग खेल्नेछ । पहिलो क्वालिफायरमा आर्मीले टाईम्सलाई नै २-१ ले पराजित हुँदै फाइनलमा पुगिसकेको छ । फाइनल शनिबार हुनेछ ।
प्ले फर डिप्राइभ्ड चिल्ड्रेन नेपाल (पिडिसिएन) ले आयोजना गरेको प्रतियोगिताको विजेताले २ लाख र दोस्रोले १ लाख पुरस्कार पाउने छन् ।
यस्तै मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।
