काठमाडौं । त्रिभुवन आर्मी क्लब क्विक्स नेपाल बास्केटबल लिगको फाइनलमा प्रवेश गरेको छ ।
त्रिपुरेश्वरस्थित राखेपको कबर्ड हलमा मंगलबार भएको प्ले अफको तेस्रो खेलमा टाईम्स इन्टरनेसनल बास्केटबल क्लबलाई ६९-६१ स्कोरले पराजित गर्दै आर्मी फाइनलमा पुगेको हो ।
यो जितसगैं आर्मी टाईम्समाथि २-१ को जित निकाल्दै उपाधि नजिक पुगेको हो ।
यसअघि आईतबार आर्मीले टाइम्सलाई ७९-६५ स्कोरले हराएको थियो । तर, सोमबार भएको खेलमा टाईम्सले आर्मीलाई ८१-५७ ले हराएर खेल १-१ को अवस्थामा ल्याएका थिए ।
अब आर्मीले फाईनलमा दोस्रो क्वालिफायरको बिजेतासगं खेल्ने छ ।
दोस्रो क्वालिफायरमा नेपाल पुलिस क्लब र टाईम्सबीच खेल हुनेछ ।
दोस्रो क्वालिफायरमा नेपाल पुलिसक्लब र आर्मीसगं पराजित टाईम्सले प्रतिस्पर्धा गर्ने छन।
प्ले फर डिप्राइभ्ड चिल्ड्रेन नेपाल (पिडिसिएन) ले आयोजना गरेको प्रतियोगिताको विजेताले २ लाख र दोस्रोले १ लाख पुरस्कार पाउने छन् ।
यस्तै मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।
