नेपालगंज । नेपाली खेलकुदको कुम्भमेला आठौं राष्ट्रिय खेलकुद प्रतियोगिता प्रदेश ५ मा बुधबार सम्पन्न भएको छ ।
प्रतियोगिताको अन्तिम दिन बुधबार ४ खेलको प्रतिस्पर्धा सकिएसंगै आठौं राष्ट्रिय खेलकुद प्रतियोगिता सकिएको हो ।
अब नवौं राष्ट्रिय खेलकुद गण्डकी प्रदेशमा हुनेछ । राष्ट्रिय खेलकुद परिषद् राखेपको बोर्ड बैठकले नवौं गण्डकीमा आयोजना गर्ने निर्णय गरेको हो ।
गण्डकीमा नवौं राष्ट्रिय खेलकुद गर्ने घोषणा गर्दै सकिएको आठौंमा विभागीय टोलीले वर्चश्व कायम गरेका छन् । प्रतियोगिताको शीर्ष तीन स्थान विभागीय टोलीले हात पार्यो ।
प्रतियोगितामा त्रिभुवन आर्मी क्लबले टिम च्याम्पियनको उपाधि जित्यो । यस्तै नेपाल पुलिस क्लबले दोस्रो र एपीएफ क्लबले तेस्रो स्थान हासिल गर्यो ।
सर्वाधिक पदक जितेको आर्मीले १४० स्वर्ण, ८२ रजत र ६७ कांस्य पदकसहित कुल २८९ पदक जितेको छ । सातौंमा पनि टिम च्याम्पियन्स बनेको आर्मीले ११३ स्वर्णसहित कुल २२५ पदक जितेको थियो ।
नेपाल पुलिस क्लबले ६२ स्वर्ण, ४९ रजत र ४६ कांस्यसहित कुल १५७ पदक जितेर दोस्रो स्थान ओगटेको छ ।
तेस्रो स्थानको सशत्र प्रहरीको एपीएफ क्लबले ५४ स्वर्ण, ६९ रजत र ८० कांस्यसहित कुल २०२ पदक पदक जितेको छ ।
प्रदेश ३ ले २२ स्वर्ण, ४० रजत र ६० कांस्य पदक गरी १२२ पदक हात पारेको छ ।
प्रदेश ५ ले ११ स्वर्ण, २६ रजत र ४८ कांस्यसहित ८५ पदक जित्दा गण्डकीले १२ स्वर्ण, २१ रजत र ४४ कांस्यसहित ७७ पदक जितेको छ
यस्तै सुदुरपश्चिम प्रदेशले ८ स्वर्ण, १२ रजत र ३४ कांस्यसहित ५४ पदक जितेको छ ।
त्यस्तै प्रदेश १ ले ९ स्वर्ण, २० रजत र ५९ कांस्य सहित ८८ पदक जित्दा प्रदेश २ ले ६ स्वर्ण,७ रजत र २० कांस्यसहित ३३ पदक जितेको छ ।
एनआरएनएले ६ स्वर्ण, २ रजत र ५ कांस्यसहित १३ पदक जितेको छ भने कर्णाली प्रदेशले ३ स्वर्ण, ४ रजत र १७ कांस्यसहित २४ पदक जितेको छ ।
पदक तालिका :
