राष्ट्रिय खेलकुदको गल्फमा टंकलाई अग्रता

काठमाडौं । आठौं राष्ट्रिय खेलकुद अन्तर्गत गल्फको इन्डिभिज्योलतर्फ टंकबहादुर कार्की ३ स्ट्रोकको अग्रता सहित शीर्षस्थानमा रहेका छन् । उनले सानदार सुरुवात गर्ने क्रममा ५ अन्डर ६७ अंक जोडी दाबेदार शुक्र बहादुर राईलाई ३ स्ट्रोकलेपछि पारेका हुन् ।

टंकले फ्रन्ट नाइन ३ अन्डर ३३ र बयाक नाइन २ अन्डर ३४ मा पुरा गरे । शुक्र २ अन्डर ७० को नतिजामा दोस्रो स्थानमा रहेका छन् । युवा खेलाडी सुबाष तामाङ र अजित बिके १ ओभर ७३ अंकका साथ संयुक्त रुपमा तेस्रो स्थानमा रहे ।

महिलातर्फ १६ ओभर ८८ अंकका साथ प्रतिभा राई शीर्ष स्थानमा रहदाँ कशमिरा शाहलाई ५ स्ट्रोकले पछि पारिन् । टिम ईभेन्टसमा प्रदेश एक १४४ अंक सहित पहिलो स्थानमा र सेना १५० अंकका साथ दोस्रो स्थानमा रहेका छन ।

तीन दिनदम्म चल्ने प्रतियोगितामा ३४ पुरूष र ६ महिलागरी कुल ४८ खेलाडीको सहभागिता रहेको छ । दुई महिला खेलाडी पहिलो चरणबाटै बाहिरिएका छन् ।