एजेन्सी । अमेरिकन गल्फर टाइगर उड्सले पाँचौं पटक c जितेका छन् ।
अमेरिकाको जर्जियास्थित अगस्टा नेशनल आइतबार सन् २०१९ को मास्टर्स गल्फ जित्दै उड्सले पाँचौ मास्टर्स हात पारेका हुन् ।
४३ बर्षिय उड्सले उपाधि जित्ने क्रममा डस्टिन जोहनसन, ब्रुक्स कोएप्का र जेन्डर स्काउफेलेलाई १ स्ट्रोकले पछि पारेका थिए । उपाधि जित्ने क्रममा उनले १३ अन्डर २७५ स्कोर बनाए ।
योसंगै उड्सले ११ बर्षपछि पहिलो पटक मास्टर्स गल्फको उपाधि जितेका छन् । उनले पछिल्लो पटक सन् २००८ मा युएस ओपन जितेका थिए ।
यस्तै उड्सको यो १५ औं गल्फ उपाधि समेत हो ।
पछिल्लो समय सेक्स स्क्यान्डल र चोटका कारण उड्सले उच्च प्रदर्शन गर्न सकिरहेका थिएनन् । तर, यस उपाधिसंगै उड्सले गल्फमा उत्कृष्ट पुनरागमन गरेका छन् ।
