काठमाडौं । अर्जेन्टिनामा आयोजना हुने १२ औं संस्करणको विश्वकप फुटसलका लागि नेपालले १२ सदस्सीय नेपाली टोलीको घोषणा गरेको छ ।
नेपाल फुटसल संघले बुधबार समीर कार्कीको कप्तानीमा विश्वकप खेल्ने १२ सदस्सीय टोलीको घोषणा गरेको हो ।
नेपाली टोलीमा कप्तान समीरसंगै दिपेन्द्र रसाइली, दिनेश श्रेष्ठ, बिशाल थापा,सुजन बलामी, साहिल राना,राजु बुढाथोकी,अनुप राना, बरदान लामा,गौरब श्रेष्ठ,ग्रिजेश मान श्रेष्ठ र सन्जिब तामाङ रहेका छन् । टोलीको प्रशिक्षकमा कमल विष्ट रहेका छन् ।
विश्वकप खेल्न नेपाली टोली बिहिबार त्यसतर्फ प्रस्थान गर्ने छन् । १२ खेलाडीसहित १७ सदस्सीय नेपाली टोली अर्जेन्टिना जाने छन् ।
विश्वकपमा नेपाल समूह 'डी' मा रहेको छ । नेपालले पहिलो खेलमा क्यानडाको सामना गर्नेछ । नेपालले क्यानडासंग अप्रिल १ मा खेल्नेछ ।
यस्तै नेपालले दोस्रो खेलमा क्याटलनासंग अप्रिल २ मा खेल्नेछ । नेपालले अन्तिम खेलमा अप्रिल ३ मा फ्रान्ससंग खेल्नेछ ।
समूहको शीर्ष दुई टोलीले क्वाटरफाइनलमा स्थान बनाउने छन् ।
विश्वकपमा नेपालले वाइल्ड कार्डबाट सहभागिता जनाउन लागेको हो । नेपाली टोलीको सम्पूर्ण खर्च संघले व्यहोर्ने छ ।
खेल तालिका :
