काठमाडौं । स्पेनिस क्लब बार्सिलोनाको समर्थनमा नेपालमा रहेको संस्था बार्सा नेपालले छैटौ संकरणको इन्ट्रा फुटसल प्रतियोगिता आयोजना गर्ने भएको छ ।
सुकेधारास्थित ह्वाइटहर्ष फुटसलमा प्रतियोगिता माघ १२ गते शनिबार हुनेछ । प्रतियोगितामा पुरुषतर्फ १२ टिम र महिलातर्फ ४ टिमले प्रतिस्पर्धा गर्ने छन् ।
प्रतियोगितामा पहिलो पटक महिला टिमलाई पनि सामेल गरिएको छ । प्रतियोगिता सहभागी टिमलाई पुरुषतर्फ ४ समूहमा विभाजन गरिएको छ । महिलालाई २ समूहमा विभाजन गरिएको छ ।
पुरुषतर्फ अविडाल, अल्भेस् , क्रायफ, गाम्पर, इनिएष्टा, मास्सेरानो, पेप, पुयोल, रोनाल्डिन्हो, टिटो, भाल्डेज र जाभी रहेका छन् । यस्तै महिलातर्फ एन्डोनोभा, बार्वरा, मार्ता, मार्टेन्स रहेका छन् ।
एक दिने प्रतियोगिताको विजेता टिमले ट्रफि, प्रमाणपत्र र नगद पुरस्कार प्राप्त आयोजक कमिटिमा सिताराम दाहालले बताए । गत संस्करणको उपाधि टिम भाल्डेजले जितेको थियो ।
