एलए पौडी भोलिदेखि

काठमाडाैं। लिटिल एन्जल्स (एलए) स्कुलको आयोजनामा २१ औं एलए अन्तरविद्यालय पौडी प्रतियोगिता शनिबारदेखि हुने भएको छ ।

प्रतियोगितामा ७८ विद्यालयका ३ सय ८१ खेलाडीको सहभागिता रहने एलएका प्रिन्सिपल मुकुन्दराज शर्माले जनाएका छन् । ७ रिलेसहित प्रतियोगितामा ५१ स्वर्णका लागि प्रतिस्पर्धा हुनेछ ।

दुईदिने प्रतियोगिताका खेलहरु हात्तीवनस्थित आयोजकको पौडी पोखरीमा खेलाइने छ । गत संस्करणमा निसर्ग वाटिका टिम च्याम्पियन बनेको थियो ।