करणले पूरा गरे १०० विकेट

काठमाडौं। नेपाली राष्ट्रिय टोलीका पेसर करण केसीले एकदिवसीय अन्तर्राष्ट्रिय क्रिकेट (ओडीआई)मा १०० विकेट पूरा गरेका छन्।

आईसीसी क्रिकेट विश्वकप लिग २ अन्तर्गत नामिबियाविरुद्ध जारी खेलमा १० ओभर बलिङ गर्दै २ मेडनसहित २९ रन खर्चिएर ५ विकेट लिँदै उनले उक्त कोशेढुंगा पूरा गरेका हुन्।

योसँगै उनले ओडीआईमा १०३ विकेट पुर्‍याएका छन्। यो उपलब्धि उनले ७२ इनिङ्समा पूरा गरेका हुन्। यसक्रममा उनले ५२६.४ ओभरमा ४२ मेडनसहित २६ सय ८९ रन खर्चिए।

उनी ओडीआईमा १०० विकेट लिने दोस्रो नेपाली बलर हुन्। यसअघि यो उपलब्धि लेग स्पिनर सन्दीप लामिछानेले पूरा गरेका थिए।

अर्का पेसर सोमपाल कामीले भने ९९ विकेट पुर्‍याएका छन्।