मुखिया र विनोद पौडी संघको केन्द्रीय सदस्यमा मनोनीत

काठमाडौं। मुखिया लामा र विनोद श्रेष्ठ नेपाल पौडी संघको केन्द्रीय सदस्यमा मनोनीत भएका छन्।

राष्ट्रिय खेलकुद परिषद् (राखेप) ले लामा र श्रेष्ठलाई मनोनयन गरेको हो। संघको विधानमा दुई सदस्य राखेपले मनोनयन गर्न पाउने प्रावधान छ।

गत वैशाख ८ मा जगतमान श्रेष्ठको अध्यक्षतामा संघको नयाँ कार्यसमिति प्यानलै विजयी भएको थियो। तर, नयाँ कार्यसमितिलाई अन्तर्राष्ट्रिय पौडी संघले मान्यता दिएको छैन।