काठमाडौं । फाल्डो सिरिज जुनियर गल्फ सोमबारबाट सुरु हुने भएको छ । नेपाल गल्फ एसोसियसनले आइतबार प्रेस विज्ञप्ति निकाल्दै फाल्डो सिरिज सोमबारबाट सुरु हुने जनाएको हो ।
गोकर्ण गल्फ क्लबमा आयोजना हुने सिरिज पुस २५ गतेसम्म संचालन हुनेछ । सिरिजमा साबिकको विजेता शुक्र राईसहित २७ खेलाडीले प्रतिस्पर्धा गर्नेछन् । जसमा ४ महिला खेलाडी रहेको आयोजकले जनाएको छ ।
पछिल्लो पाँच बर्षबाट बार्षिक हुँदै आएको यस प्रतियोगिता फाल्डो सिरिज एसियाको छनोटको रुपमा रहेको छ ।सिरिजको विजेताले भियतनामको लगुना लङ दानङ गल्फ कोर्षमा सन् २०१९ मा हुने फाइनल चरणमा छनोट हुनेछन् ।
