इन्टर हस्पिटल फुटसल शुक्रबारबाट

काठमाडौं । महिला स्वास्थ्य डटकमको आयोजनामा ‘इन्टर हस्पिटल फुटसल च्याम्पियनसिप’ आगामी शुक्रबारबाट सुरु हुने भएको छ ।

‘खेल खेलौ र  स्वस्थ बनौ’ भन्ने मुल नाराका साथ सुरु हुन लागेको प्रतियोगिता काठमाडौंको धन्वन्तरी फुटसलमा दुई दिनसम्म चल्नेछ । 

प्रतियोगितामा उपत्यकाका २४ सरकारी तथा नीजि हस्पिटलको सहभागीता रहनेछ । लिग कम नकआउटका आधारमा सञ्चालन हुने प्रतियोगितामा सहभागी टिमलाई ४ समूहमा विभाजन गरिएको छ।   

प्रतियोगिताको विजेताले उपाधि सहित ४० हजार र उपविजेताले २० हजार रुपैयाँ प्राप्त गर्नेछ । उनीहरुले नगदको साथमा ट्रफी, मेटल र प्रमाणपत्र पाउनेछन् । 

फुटसल प्रतियोगितामा मुख्य प्रायोजकको रुपमा एन्जिल फर्टिलिटी क्लिनिक जोडिएको छ भने एनएमबी बैंक प्रायोजकको रुपमा आबद्ध छ । 

हस्पिटल पार्टनरमा इशान बाल तथा महिला अस्पाताल, बैकिङ पार्टनरमा, राष्ट्रिय वाणिज्य बैंक तथा मेडिकल पार्टनरमा बयोधा हस्पिटल रहेको छ । 

कार्यक्रमलाई नेपाल टेलिकम, नेपाल आयल निगम, खड्गी इन्स्टिच्युट अफ इण्डोयुरोलोजी, फार्म टु टेबललले सहयोग गरेका छन् । 

स्वास्थ्य क्षेत्रमा कार्यरत संस्थालाई खेलकुदका माध्यमबाट एउटै छातामा जोड्न कार्यक्रमको आयोजना गरिएको महिला स्वास्थ्य डटकमले जनाएको छ ।