काठमाडौं । प्रयागराज सिंह सुवाल स्मृति अन्तर वडा फुटसल प्रतियोगिताको सेमिफाइनल समिकरण पुगेका छन् ।
प्रतियोगितामा वडा नम्बर ४, वडा नं १४, वडा नं २६ र वडा नम्बर १३ सेमिफाइनल पुगेका छन् ।
लैनचौर फुटसल मैदानमा भएको पहिलो क्वाटरफाइनलमा वडा नं १४ ले वडा नं ३२ लाई २–१ ले हरायो । वडा नं १४ का मनिष रानाभाटले दुवै गोल गरे । वडा नं ३२ ले आत्मघातीरुपमा एक गोल प्राप्त गर्यो । वडा नं १४ का सरोज लामिछानेले आफ्नै गोलपोस्टमा बल छिराए । सो खेलमा प्रकास थापा मगर म्यान अफ दि म्याच चुनिए ।
दोस्रो क्वाटरफाइनलमा वडा नं २६ ले वडा नं १५ लाई २–० ले हरायो विजयी टिमका लागि प्रशान्त नेपाल रजक र करुण खड्गीले गोल गरे । सो खेलमा म्यान अफ दि म्याच वडा नं २६ का कप्तान राजन लाल नेपाली घोषित भए ।
तेस्रो क्वाटरफाइनलमा वडा नं ४ ले वडा नं १७ लाई ७–१ ले सजिलै पराजित गर्यो । वडा नं ४ का विक्रान्त नरसिंह रानाले दुई गोल गरे । अन्य गोल प्रजेश अधिकारी, असिम गुरुङ, सरोज थापा, मयंक गुरुङ र म्रियङ गुरुङले गरे । वडा नं १७ का सगन महर्जनले गरेको गोल सान्त्वना मात्र बन्यो ।
चौथो तथा अन्तिम क्वाटरफाइनलमा वडा नं १३ ले वडा नं ११ लाई १–० ले हरायो । अभय रानाको गोलले वडा नं १३ विजयी भएको हो । अभय नै म्यान अफ दि म्याच बने । काठमाडौँ महानगरपालिकाका वडाहरु बीच आयोजना भएको प्रतियोगिताअन्तर्गत मङ्गलबार सेमिफाइनमला वडा नं ४ ले वडा नं १४ तथा वडा नं २६ ले वडा नं १३ को सामना गर्नेछ ।
नकआउटको आधारमा भइरहेको प्रतियोगितामा विजेता टिमलाई ट्रफीसहित दुई लाख रुपियाँ प्रदान गरिनेछ । उपविजेता टिमले एक लाख रुपियाँ प्राप्त गर्नेछ ।
यसैगरी, विधागततर्फ उत्कृष्ट हुने सर्वश्रेष्ठ खेलाडी, सर्वाधिक गोलकर्ता र सर्वश्रेष्ठ गोलरक्षकलाई जनही १० हजार रुपैयाँले पुरस्कृत गरिनेछ ।