डुवानाको ब्यक्तिगत समयमा सुधार

काठमाडौं । जापानको फुकुओकामा जारी २० औ संस्करणको वल्ड एक्वाटिक च्याम्पियनसिप २०२३ मा डुवाना लामाले आफ्नो ब्यक्तिगत समयमा सुधार गरेकी छिन् ।

जापानबाट टोली नेता एवं नेपाल पौडी संघका अध्यक्ष अशोक बज्राचार्यले दिएको जानकारी अनुसार डुवानाले सय मिटर फ्रिस्टायलमा ब्यक्तिगत समय सुधार गरेकी हुन् । 

बिहिबार सम्पन्न १०० मिटर फ्रिस्टायल लामाले १ मिनट १ दशमलव ९३ सेकेन्ड समयका साथ पुरा गरेकी थिईन् ।

यस विधामा उनको ब्यक्तिगत समय १ मिनेट २ दशमलव ०४ सेकेन्डको समय रहेको थियो ।

नेपालको अब एक मात्र खेल बाँकी रहेको छ । शुक्रबार एलेक्जेन्डर शाहले ५० मिटर फ्रिस्टायलमा प्रतिस्पर्धा गर्नेछन् ।