काठमाडौं । नासिर याह्या हुसेनले जापानको फुकुओकामा आयोजना भएको वल्ड एक्वाटिक च्याम्पियनसिप २०२३ मा नयाँ राष्ट्रिय किर्तिमान कायम गर्न सफल भएका छन् ।
फुकुओकाबाट नेपाल पौडी संघका अध्यक्ष अशोक बज्राचार्यले बताए अनुसार नासिरले ४ सय मिटिर फ्रिस्टायलमा ४ मिनट ८ दशमलव २३ सेकेन्ड समयका साथ नयाँ किर्तिमान कायम गरेका हुन् ।
यस अघि नासिरको नाममा ४ मिनट १२ दशमलव १७ सेकेन्ड समयको किर्तिमान कायम थियो । नासिरले उक्त किर्तिमान आषाढमा आयोजना भएको ११ औं एनएसए कप पौडी प्रतियोगितामा राखेका हुन् ।
अब भोली नासिरले पुरुष २०० मिटर फ्रिस्टायल र गौरिकाले १०० मिटर ब्याकस्ट्रोकमा प्रतिस्पर्धा गर्ने तालिका रहेको छ ।
-1735220291.jpg)
