दृष्टिविहिन महिला क्रिकेट टोली सम्मानित

काठमाडौं । नेपाली राष्ट्रिय दृष्टिविहिन महिला क्रिकेट टोलीका खेलाडीहरु नगदसहित सम्मानित भएका छन् ।  

नेत्रहीन क्रिकेट संघ नेपालले मंगलबार दृष्टिविहिन महिला क्रिकेट टोलीका खेलाडीहरुलाई नगदसहित सम्मानित गरेको हो। 

नेत्रहीन क्रिकेट संघ नेपालले महिला टोलीलाई जनही १० हजार नगदबाट पुरस्कृत गरिएको जनाएको छ ।

सम्मानित हुने खेलाडीमा भगवती भट्टराई, गिता पौडेल, प्रतिभा राई , रिता थापा , मुना अर्याल, माया लुङ्गगेलि, सुस्मा तामाङ, मनकेशरी चौधरी, कान्ती योगी, सरिता घिमिरे, वनिता मगर सोमाई, दिल्लीशरा धमला,विनिता पुन, निशा चौधरी, विमला राई रहेका छन्  ।

नेत्रहीन क्रिकेट संघले गत बैशाखमा दोश्रो नेपाल-भारत दुईदेशीय टी-२० नेत्रहीन महिला क्रिकेट सिरिजको आयोजना गरेको थियो । जसमा नेपालले ५ खेलको सिरिज ३-१ ले जितेको थियो ।