वर्ष ७९ : चलयमान नेपाली खेलकुद

काठमाडौं । मैदान बाहिर र मैदान भित्र, वर्ष २०७९ नेपाली खेलकुद व्यस्त रह्यो । कोभिडले थलिएको नेपाली खेलकुद ७९ सालमा भने जुर्मुरायो । मान्नुस, नेपाली खेलकुद व्यस्त रह्यो ।

नेपाली खेलकुदको कुम्भमेला राष्ट्रिय खेलकुद आयोजना भयो । नेपालमा राष्ट्रिय तथा अन्तराष्ट्रिय खेलकुद आयोजना भए । नेपाली टोलीले अन्तराष्ट्रिय प्रतियोगिता खेले । गर्व गर्न लायक केहि उपाधि नेपाली खेलकुदले पायो ।

राष्ट्रिय खेलकुद आयोजना -

मुख्यत: ७९ सालमा विविध कारण रोकिदै आएको नवौं राष्ट्रिय खेलकुद सफल आयोजना भयो । गण्डकी प्रदेशमा असोज २८ गतेबाट कात्तिक ३ गतेसम्म नवौं आयोजना भएको थियो ।

तर, नवौंमा दुखद घटना समेत घट्यो । प्रतिस्पर्धाको दौरान दुर्घटनामा पर्दा प्याराग्लाइडिङ खेलाडी निशिम थापाको निधन भयो ।

नवौंमा ३६ खेलमा ३ सय ९६ इभेन्ट्समा खेलाडीले प्रतिस्पर्धा गरेका थिए ।  आर्मी १ सय ७२ स्वर्ण पदकसहित सर्वाधिक ३ सय ७१ पदक जितेर टिम च्याम्पियन बनेको थियो ।

दशौँ राष्ट्रिय खेलकुद २०८१ सालको मंसिरमा कर्णाली प्रदेशमा आयोजना हुँदैछ ।  

आर्मी क्लबकी खेलाडी डुवाना सर्वाधिक पदक जित्ने खेलाडी बनेकी हुन्  ।

नवौंमा पौडी खेलाडी डुवाना लामा एक्लैले ९ स्वर्ण पदक जितिन् । यस्तै एथलेटिक्स खेलाडी जयरानी थारुले ५ स्वर्ण जित्दै आफुलाई अब्बल साबित गरिन् ।

अन्तराष्ट्रिय उपाधि -

वर्ष ७९ मा  नेपाली पारा तेक्वान्दोले ऐतिहासिक पदक हात पार्यो । साउदी अरबियामा आयोजना भएको विश्व पारा तेक्वान्दो ग्रान्ड प्रिक्समा नेपालकी सिर्जना घिसिङले ऐतिहासिक स्वर्ण पदक जितेकी थिइन् ।

नेपालले बंगलादेशमा आयोजना भएको यू-१५ महिला साफ च्याम्पियनसिप फुटबलको उपाधि हात पार्यो ।

थाइल्याण्डमा आयोजना भएको एएसबीसी यू–२२ बक्सिङ च्याम्पियनसिपमा नेपालकी सुष्मा तामाङले ऐतिहासिक रजत पदक जित्न सफल भईन ।

इरानमा आयोजना भएको दोश्रो जुनियर विश्व कबड्डी प्रतियोगितामा नेपालले ऐतिहासिक कास्य पदक जित्यो ।

बंगलादेशमा आयोजना भएको सीएभीए बिच भलिबल प्रतियोगितामा नेपालको महिला र पुरुष टोलीले रजत पदक जित्न सफल भएका थिए ।

नेपाली राष्ट्रिय फुटबल टिमले घरेलु मैदानमा प्रधानमन्त्री थ्री नेसन्स कपको उपाधि जित्यो । प्रतियोगितामा लाओस र भुटानको सहभागिता रहेको थियो ।

एसियन क्रस कन्ट्री च्याम्पियनसिपमा नेपालका दीपक अधिकारीले सिनियर पुरुष १० किलोमिटर दौडमा स्वर्ण पदक जिते । सिनियर पुरुष टिम इभेन्टमा पनि नेपालले स्वर्ण पदक जितेको छ ।

नेपालकी पुष्पा भण्डारीले बंगबन्धु शेख मुजिब ढाका म्याराथन अन्तर्गत साफ एलिटको महिलातर्फ स्वर्ण पदक जितिन्।

नेपालकी अल्ट्रा धाविका सुनमाया बुढाले हङकङमा आयोजना भएको द नर्थ फेस १०० अल्ट्रा ट्रेल च्यालेन्जको उपाधि जितिन् ।

विवाद -

वर्षको सुरुआतमै राष्ट्रिय फुटबल टिमका मुख्य प्रशिक्षक अब्दुल्लाह अलमुताईरी र खेलाडीबीच विवाद सिर्जना भयो । मुख्य प्रशिक्षकको कार्यशैलीमा असन्तुष्टि जनाउँदै गत बैशाख १३ गते प्रशिक्षणमा रहेका १० खेलाडीले बन्द प्रशिक्षण छाडेका थिए ।

खेलाडी र प्रशिक्षक विवाद भदौसम्म रह्यो । भदौ २६ गते अलमुताईरीले राजीनामा दिएपछि विवाद अन्त्य भयो । असोजबाट प्रशिक्षण छाडेका खेलाडीहरु टोलीमा फर्किए । 

वर्षको मध्येमा तत्कालिन राष्ट्रिय टिमका कप्तान तथा लेग स्पिनर सन्दीप लामिछानेविरुद्ध बलात्कारको आरोप लाग्यो । सन्दीप पक्राउ परे, धरौटीमा छुटे, अन्तराष्ट्रिय प्रतियोगिता खेले । तर, मुद्दाको किनारा लागिसकेको छैन ।

राष्ट्रिय टिमका लागि खेलिरहेपनि सन्दीप क्यानको केन्द्रिय सम्झौता बाहिर छन् ।

यस्तै  नेपाल टी-ट्वान्टी लिगमा स्पट फिक्सिङ गरेको भन्दै राष्ट्रिय टोलीका सदस्य आदील आलम र राष्ट्रिय टोलीका पूर्व खेलाडी महबुब आलम पक्राउ परे । यद्दपी दुबै जना धरौटीमा रिहा भैसकेका छन् ।

नेपाल क्रिकेट संघले आयोजना गरेको प्रतियोगिता नै स्पट फिक्सिङले ओझेलमा पर्यो । जसको कारण क्यानले प्रतियोगिताको ब्यवसायीक र रणनीतिक साझेदारको रुपमा रहेको भारतीय कम्पनी सेभेन थ्री स्पोर्ट्ससँगको सम्झौता खारेज गर्यो ।

राष्ट्रिय खेलकुद परिषद् राखेपले तेक्वान्दो संघ पुर्नगठन गर्यो । तर, उच्च अदालत पाटनले संघको दर्ता खारेजविरुद्धको रिटमा अन्तरिम आदेश जारी गरेपछि पुरानै संघले कामकारबाही गरिरहेको छ ।

वर्ष ७९ मा नेपाली खेलकुदको टाइमलाइन -

वैशाख :

-प्रिन्स दाहाल र रसिला महर्जनलाई दोस्रो प्रधानमन्त्रीकप खुला ¥याङकिङ ब्याडमिन्टनको उपाधि ।  

- एसिया कप छनोट तेस्रो चरणका लागि नेपाली राष्ट्रिय फुटबल टिमको प्रशिक्षण सुरु ।  

- रुपन्देही ११ लाई प्रो क्लब च्याम्पियनसिप क्रिकेटको उपाधि ।  

–धनगढीमा प्रथम राष्ट्रिय मुख्य मन्त्री वीवाईसी महिला गोल्डकप आयोजना ।  

- नेपालले एसियाकप छनोट तेस्रो चरणको तयारीका रूपमा अफगानिस्तानविरुद्ध दुई मैत्रीपूर्ण अन्तर्राष्ट्रिय खेल खेल्ने घोषणा ।  

- अखिल नेपाल फुटबल संघ (एन्फा) द्वारा सहिद स्मारक ‘बी’ डिभिजन क्लब नया“ वस्ती युथलाई तीन लाख रुपैंया जरिवाना । अनुशासनको कारवाही गर्दै क्लब पदाधिकारी श्रीबहादुर योगीलाई दुई वर्षको प्रतिबन्ध । क्लब व्यवस्थापकलाई छ महिना र खेलाडी मनोज राईलाई एक वर्षको प्रतिबन्ध ।  

–गणेशमान सिंह स्मृति राष्ट्रिय बक्सिङ आयोजना । प्रतियोगितामा सात प्रदेश र तीन विभागीय टिमको सहभागिता ।  

–सूर्य नेपाल गल्फ टुर अन्तर्गत सूर्य नेपाल च्यालेन्ज गल्फ आयोजना ।  

- आर्मीलाई मुख्यमन्त्री कप राष्ट्रिय कब्बडीको उपाधि ।  

–माल्दिभ्सको मालेमा हुने दक्षिण एसियाली जुनियर टेबल टेनिस च्याम्पियनसपका लागि १० खेलाडीको छनोट ।  

- आईसीसी वुमेन्स यू १९ विश्वकप छनोटको तयारीका लागि नेपाल क्रिकेट संघ (क्यान) ले ४४ खेलाडीलाई बन्द प्रशिक्षणमा बोलाएको ।  

- सहिद स्मारक लिग ‘सी’ डिभिजन लिग ०७९ सुरु । कुल १४ टिमको सहभागिता ।  

–जिम्बावे ‘ए’ विरुद्ध हुने वान डे र ट्वान्टी ट्वान्टी सिरिजका लागि २३ सदस्यीय नेपाली टिमको घोषणा ।  

–राष्ट्रिय खेलकुद परिषदको बोर्ड बैठकले नवौं राष्ट्रिय खेलकुदमा ३६ खेल समावेश गर्ने निर्णय । यस्तै १९ औं एसियाली खेलकुदमा नेपालले २३ खेलमा सहभागिता जनाउने निर्णय ।    

- अखिल नेपाल फुटबल संघ (एन्फा) ले सहिद स्मारक लिग सी डिभिजन क्लब आरसी ३२ फुटबल एकेडेमीमाथि १ लाख ५० हजार रुपैंया जरिवाना गर्दै अभद्र व्यवहार र अनुशासनहीनको कारवाही ।

- मुख्य प्रशिक्षक  अब्दुल्लाह अलमुताईरीको कार्यशैलीमा असन्तुष्टि जनाउँदै प्रशिक्षणमा रहेका १० खेलाडीद्वारा बन्द प्रशिक्षण बहिस्कार ।

जेठ : 

-  मुख्य प्रशिक्षक अब्दुल्लाह अल्मुताइरीले एसियाकप छनोट तेस्रो चरणका लागि २३ सदस्यीय टिमको घोषणा ।  

- नेपाल र युगान्डाबीच वुमेन्स ट्वान्टी ट्वान्टी सिरिज आयोजना ।  

- गण्डकी प्रदेशमा हुने नवौं राष्ट्रिय खेलकुद सरेको घोषणा । अब असोज २८ देखि कार्तिक ६ सम्म हुने तय ।  

- एभरेस्ट प्रिमियर लिगका आयोजक र त्यसका सहभागी छ टिमद्वारा नेपाल क्रिकेट संघ (क्यान) विरुद्ध सर्वोच्च अदालतमा मुद्धा दायर ।  

- कतारमा भएको मैत्रीपूर्ण अभ्यास खेलमा नेपाल र टिमोर लिस्टे यू–२३ बीच २–२ को बराबरी ।  

- मनग्य नकर्मि भारतको खिदिरपुर स्पोर्टिङ क्लबमा अनुबन्धित ।

- झापा फुटबल क्लबलाई सहिद स्मारक लिग ‘सी’ डिभिजनको उपाधि ।  

–कतारमा भएको मैत्रीपूर्ण अभ्यास खेलमा नेपाल ओमानसँग २–० ले पराजित ।  

-दशौँ कान्तिपुर हाफ म्याराथनमा पुरुषतर्फ गोपिचन्द्र पार्की र महिलातर्फ राजपुरा पछाई पहिलो ।  

- चीनमा हुने १९ औं एसियाली खेलकुदका लागि पहिलो चरणको बन्द प्रशिक्षक सुरु ।  

- नेपाल क्रिकेट संघ (क्यान) ले नेपाल टी–ट्वान्टी लिगका लागि गभर्निङ काउन्सिल गठन ।  

- आईसीसी पुरुष क्रिकेट वल्र्डकप लिग टुमा नेपाल ओमानको हातबाट १३ रनले पराजित ।  

– आईसीसी यू-१९ महिला ट्वान्टी ट्वान्टी विश्वकप छनोटमा नेपालको सहभागिता  ।  

- एसिया कप छनोट तेस्रो चरणको दोस्रो खेलमा नेपाल कुवेतसँग  ४–१ ले पराजित । नेपालका लागि दर्शन गुरुङले गोल गरेको । (२०२२ जुन ११ शनिबार)

–आईसीसी पुरुष क्रिकेट वल्र्डकप लिग टुमा नेपाल र अमेरिकाबीचको खेल टाई ।  

- नेपाली यू–२० टिमको बन्द प्रशिक्षण लागि मुख्य प्रशिक्षक मेघराज केसीद्वारा ४० खेलाडी छनोट ।

- आर्मीलाई चौथो स्थानीय तह सहिद स्मृति अन्तर्राष्ट्रिय मकवानपुर गोल्डकपको उपाधि ।  

–मलेसियामा हुने एसीसी महिला ट्वान्टी ट्वान्टी च्याम्पियनसपका लागि कप्तान रुबिना क्षेत्रीको नेतृत्वमा १५ सदस्यीय टिम घोषित ।  

- अखिल नेपाल फुटबल संघ (एन्फा) ले नेपाल सुपर लिग (एनएसएल) गर्नका लागि नयाँ मिति प्रदान । नयाँ मिति भदौ २५ देखि कार्तिक ५ ।  

–एसियाकप छनोट तेस्रो चरणको तेस्रो खेलमा नेपाल इन्डोनेसियाको हातबाट ७–० ले पराजित ।  

–आईसीसी पुरुष क्रिकेट वल्र्डकप लिग टुमा नेपालद्वारा ओमान सात विकेटले पराजित ।  

–आईसीसीले नेपाल क्रिकेट संघमाथि लगाउदै आएको आर्थिक नियन्त्रण फुकुवा । क्यानमाथिको निलम्बन पूर्ण फुकुवा ।  

असार :

- आईसीसी पुरुष क्रिकेट वल्र्डकप लिग टुमा नेपाल अमेरिकासँग  ३९ रनले पराजित । पर्लल्यान्ड अमेरिकामा भएको खेलमा पहिले ब्याटिङ गरेको अमेरिकाले सात विकेटमा  

- आईसीसी पुरुष क्रिकेट वल्र्डकप लिग टुको त्रिकोणात्मक सिरिजमा नेपालका करण केसी ‘प्लेयर अफ द सिरिज’ घोषित ।  

- एसीसी महिला ट्वान्टी ट्वान्टी च्याम्पियनसिपको पहिलो खेलमा नेपालद्वारा भुटान ५० रनले पराजित ।  

–यू–२१ राष्ट्रिय गल्फको उपाधि सुभाष तामाङलाई ।  

- एसीसी महिला ट्वान्टी ट्वान्टी च्याम्पियनसिपको दोस्रो खेलमा नेपालद्वारा कुवेत २५ रनले पराजित ।  

- अन्तर्राष्ट्रिय क्रिकेट काउन्सिल (आईसीसी) द्वारा नेपाल क्रिकेट संघ (क्यान) माथि रहेको कन्ट्रोल फन्डिङ हटाएको घोषणा । आईसीसीले लगाएको सबै प्रकारको निलम्बन फुकुवा ।  

- आर्मी १८ स्वर्ण, १२ रजत र ५ कांस्यसहित ४४ औं राष्ट्रिय एथलेटिक्स प्रतियोगिताको टिम च्याम्पियन ।   पुरुषमा शिवराज पार्की र महिलामा जयरानी थारु उत्कृष्ट खेलाडी घोषित ।

–क्यानाडा भ्रमणमा जाने नेपाली राष्ट्रिय क्रिकेट टिमको घोषणा । कप्तान सन्दीप लामिछानेको नेतृत्वमा रहेको टिमका उप कप्तान रोहित पौडेल ।  

–नेपाल आइस छैटौं शुभकामना गोल्डकप फुटबलको उपाधि क्यामरुनको एभिनियरलाई ।  

– १७ औं राष्ट्रब्यापी अन्नपूर्ण चेसको उपाधि त्रियोग स्कुललाई । उसले दुई स्वर्ण, दुई रजत र एक कांस्य जितेको । (२०२२ जुन २६ आइतबार)

- टु डे म्याच गराउन नेपाल क्रिकेट संघ (क्यान) लाई अमेरिकामा रहेका पूर्व खेलाडीको क्लब नेपाल अल स्टार्सद्वारा २१ लाख ११ हजार १ सय ११ रुपैंयाको आर्थिक सहयोग ।  

- टीवाईटीकपमा एनआरटी मलेसियाको सुपर लिग क्लब पेनाङ एफसीसँग ५–० ले पराजित ।  

–बंगलादेशको ढाकामा भएको दक्षिण एसियाली फुटबल महासंघको बैठकले वुमेन्स साफ च्याम्पियनसिप नेपालमा आयोजना गर्ने निर्णय ।  

–पुलिसलाई बागमती प्रदेश न्यु डाइमन्ड कप खुला महिला राष्ट्रिय भलिबलको उपाधि ।  

-नेपाली राष्ट्रिय महिला टिमका कप्तान रेनुका नगरकोटी अभ्यासका क्रममा चोटग्रस्ट ।  

 -आईसीसी वल्र्ड लिग टुको त्रिकोणात्मक शृंखलामा नेपाल नामिबियासँग  ४० रनले पराजित ।  

- अन्तर्राष्ट्रिय क्रिकेट काउन्सिल (आईसीसी) द्वारा नेपाल क्रिकेट संघ (क्यान) ले आयोजना गर्ने फ्रेन्चाइज क्रिकेट नेपाल ट्वान्टी ट्वान्टीलाई मान्यता प्रदान ।

- आईसीसी वल्र्ड लिग टुको त्रिकोणात्मक शृंखलामा नेपालद्वारा स्कटल्यान्ड ५  विकेटले पराजित ।  

–थाइल्यान्ड भ्रमणमा रहेको एनआरटीको थाइल्यान्डको तेस्रो डिभिजन क्लब थोनबुरी युनाइटेडमाथि २–१ को जित ।  

- आईसीसी वल्र्ड लिग टुको त्रिकोणात्मक शृंखलामा नेपाल नामिबियासंग ६३ रनले पराजित ।  

साउन :

- नेपाली राष्ट्रिय टिमको मुख्य प्रशिक्षकमा मनोज प्रभाकर नियुक्त ।

- केन्या भ्रमणमा जाने टिमको घोषणा । ज्ञानेन्द्र मल्लको पुर्नआगमन ।  

- बंगलादेशविरुद्ध हुने एक मैत्रीपूर्ण खेलका लागि अखिल नेपाल फुटबल संघ (एन्फा) ले कार्यवाहक प्रशिक्षकमा प्रदीप हुमागाई नियुक्त ।

- नेपाली राष्ट्रिय फुटबल टिमका सदस्य मनीष डाँगी बहराइनको बी डिभिजन क्लब इतिहाद अल रेफ क्लबमा अनुबन्धित ।  

भाद्र :

-नेपाली राष्ट्रिय फुटबल टिमका कप्तान तथा गोलरक्षक किरण लिम्बूले भारतको आईलिग क्लब पञ्जाव एफसीमा अनुबन्धित ।

-बहराइनमा हुने यू–२० एसियाकप छनोटका लागि टिम घोषणा ।  

- नेपाल पहिलो ट्वान्टी ट्वान्टीमा केन्यामाथि ५ विकेटले विजयी ।  

- नेपाल दोस्रो ट्वान्टी ट्वान्टीमा केन्यासँग १८ रनले पराजित ।  

- मुख्य प्रशिक्षक कुमार थापाले वुमेन्स साफ च्याम्पियनसिप २०२२ खेल्ने अन्तिम २३ सदस्यी टिम घोषणा ।  

- नेपाल तेस्रो ट्वान्टी ट्वान्टीमा केन्यामाथि चार विकेटले विजयी ।  

–नेपाली राष्ट्रिय फुटबल टिमको व्यवस्थापकमा अनिल श्रेष्ठ नियुक्त  

–श्रीलंकामा हुने साफ यू–१७ च्याम्पियनसिप र भियतनाममा हुने एएफसी यू–१७ एसियाकप छनोटका लागि प्रशिक्षक उर्जन श्रेष्ठद्वारा २४ सदस्यी टिमको घोषणा ।  

- चौथो ट्वान्टी ट्वान्टीमा केन्यासँग  नेपाल ७ रनले पराजित ।    

-अष्ट्रेलिया आयोजना भएको  ट्वान्टी ट्वान्टी विश्वकपको ट्रफि सार्वजनिक प्रदर्शनका लागि नेपालमा ।  

- नेपाल पाँचौं ट्वान्टी ट्वान्टीमा केन्यामाथि ३१ रनले विजयी ।  

–अन्तर्राष्ट्रिय फुटबल महासंघ (फिफा) द्वारा नेपालमाथि छ हजार डलर जरिवाना ।  

- नेपाल पहिलो वान डेमा केन्यालाई सात विकेटले विजयी।  

- राष्ट्रिय खेलकुद परिषदले ५९ औं वार्षिकोत्सवको अवसरमा फुटबलका किरण लिम्बू र प्यारा तेक्वान्दोका पलेशा गोवर्धन उत्कृष्ट खेलाडी घोषित । टेबल टेनिसकी इभाना थापा र एथलेटिक्सका सन्दीप थारु जुनियरतर्फ । उत्कृष्ट संघमा नेपाल ट्रायनथलन संघ घोषित ।

- नेपाली राष्ट्रिय क्रिकेट टिमका कप्तान सन्दीप लामिछानेमाथि एक किशोरीद्वारा जबर्जस्ती करणीको आरोपमा किटाणी जाहेरी ।  

–नेपाली महिला राष्ट्रिय टिमको कप्तानीमा एन्जिला तुम्बापो सुब्बा घोषित ।  

- वुमेन्स साफ च्याम्पियनसिप २०२२ को उद्घाटन खेलमा नेपालद्वारा भुटान २–० ले पराजित ।  

–  यू–१७ साफ च्याम्पियनसिपमा नेपालद्वारा भुटान ३–१ ले पराजित  

- नेपाल भबिल संघको अध्यक्षमा जितेन्द्रबहादुर चन्द निर्वाचित ।  

–नवौं राष्ट्रिय खेलकुद अन्तर्गत पुरुष क्रिकेट काठमाडौंमा सुरु ।  

- यू–१७ साफ च्याम्पियनसिपमा नेपालद्वारा भारत ३–१ ले पराजित ।  

–सीप्यान क्रिकेट अवार्डमा दीपेन्द्रसिंह ऐरी र सीता रानागमर वर्ष क्रिकेट खेलाडी घोषित । उदयमान खेलाडीको अवार्ड देव खनाललाई । वर्षको उत्कृष्ट क्षणको अवार्ड महिला खेलाडी अस्मिना कर्माचार्यलाई । स्पेसल अवार्ड पूर्व कप्तान पारस खड्कालाई ।

- यू–२० एसिया कप छनोटको पहिलो खेलमा नेपाल भुटानसँग २–० ले पराजित ।  

–नेपाल टी–ट्वान्टी लिगमा सहभागी हुने छ टिमद्वारा मार्की खेलाडी अनुबन्धित ।  

–आर्मीका हरिकुमार रिमाल १४ औं काठमाडौं म्याराथनमा विजयी ।  

–नेपालका युवा फुटबल खेलाडी सास्वत राना डेनमार्कको एफसी कोपनहेगनमा अनुबन्धित । तीन वर्षको अनुबन्ध, यू–१९ टिमबाट खेल्ने । (२०२२ सेप्टेम्बर १० शनिबार)

- नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीद्वारा राजीनामा दिएको घोषणा ।  

–नेपाल टी–ट्वान्टीका लागि नेपाली र विदेशी खेलाडीको  ड्राफ्ट सम्पन्न । (२०२२ सेप्टेम्बर ११ आइतबार)

- नेपालद्वारा श्रीलंकालाई ६–० ले पराजित गर्दै समूह विजेताका रूपमा वुमेन्स साफ च्याम्पियनपिको सेमिफाइनलमा ।  

–नेपालद्वारा श्रीलंकालाई ६–० ले पराजित गर्दै यू–१७ साफ च्याम्पियनसिपको फाइनलमा ।  

–नेपाल यू–२० एसियाकप छनोटमा लगातार दोस्रो खेलमा पराजित । बहराइनमा भएको खेलमा नेपाल कतारसँग  २–१ ले पराजित ।  

–नेपाल खेलकुद पत्रकार मञ्चको २७ औं स्थापना दिवसको अवसरमा अग्रज पत्रकारिता पुरस्कार जयदेव गौत्तम र अनुज पत्रकार पुरस्कार गीता राई पुरस्कृत ।  

- यू–२० एएफसी एसियाकप छनोटको दोस्रो खेलमा नेपाल कतारसँग ३–१ ले पराजित ।

- यू १७ साफ च्याम्पियनसिपको फाइनलमा नेपाल भारतद्वारा ४–० ले पराजित ।  

–  यू–२० एएफसी एसियाकप छनोटमा नेपाल बहराइनसँग ६–० ले पराजित ।  

–असोज ८ देखि सुरु हुने भनिएको नेपाल टी–ट्वान्टी सुरक्षाको कारण देखाएर स्थगित ।  

–असोज २८ देखि कार्तिक ३ सम्म हुने नवौं राष्ट्रिय खेलकुदको खेल स्थल टुंगो । गण्डकी प्रदेशका सात जिल्लामा प्रतियोगिता हुने  

–दीपक हमाल र जुनी राई प्रम उसु अवार्डमा उत्कृष्ट खेलाडी घोषित ।

- नेपालद्वारा वुमेन्स साफ च्याम्पियनसिप २०२२ को दोस्रो सेमिफाइनलमा भारत १–० ले पराजित र फाइनलमा प्रवेश । प्रतियोगिताकै इतिहासमा भारतमाथि पहिलो जित ।  

–नवौ राष्ट्रिय क्रिकेट अन्तर्गत पुरुषतर्फको स्वर्ण पुलिसलाई । आर्मीलाई रजत ।  

असोज :

- काठमाडौं महानगरपालिका १५ डल्लु आवास क्षेत्रमा बहुउद्देश्य कभर्ड हल ‘अर्थक्विक मेमोरियल मल्टि पर्पपोज हल’ को सिल्यान्यास ।

- एएफसी यू–२० एसियाकप छनोटको अन्तिम खेलमा नेपाल बंगलादेशसँग  ३–० ले पराजित ।  

- वुमेन्स साफ च्याम्पियनसिप २०२२ को उपाधि बंगलादेशलाई । दशरथ रंगशालामा भएको फाइनलमा बंगलादेशले नेपाललाई ३–१ ले हराएको ।

–नेपाली महिला राष्ट्रिय टिमका मुख्य प्रशिक्षक कुमार थापाको राजीनामा ।  

–नेपाली महिला राष्ट्रियका तीन सदस्य पुनम जर्गामगर, दीपा राई र इन्दिरा राईको अन्तर्राष्ट्रिय फुटबलबाट सन्यास घोषणा ।  

–प्रथम चन्द्रागिरी राष्ट्रिय ब्याडमिन्टमा एकल उपाधि नवीन श्रेष्ठ र रसिला महर्जनलाई ।  

–चितवन गोल्डकपको उपाधि आर्मीलाई ।  

- केकेएम एनआरटी खुला टेबल टेनिसको क्याडेज सिंग्ल्सको उपाधि एलेन महर्जन र इभाना थापालाई ।  

- बंगलादेशविरुद्ध अन्तर्राष्ट्रिय मैत्रीपूर्ण खेल खेल्ने नेपाली राष्ट्रिय टिमको घोषणा ।  

–सहिद स्मारक लिग ‘सी’ डिभिजन ०७९ को छनोट सुरु ।  

–केकेएम एनआरटी खुला टेबल टेनिसको यू–१९ जुनियर सिंग्ल्सको उपाधि हिमाल विष्ट र वियङ्का राईलाई ।

- मैत्रीपूर्ण अन्तर्राष्ट्रिय फुटबलमा नेपालद्वारा बंगलादेश ३–१ ले पराजित । दशरथ रंगशालामा भएको खेलमा नेपालका लागि अञ्जन विष्टको ह्याट्रिक  

- उपराष्ट्रपति नन्दबहादुर पुनद्वारा नवौं राष्ट्रिय खेलकुदको उद्घाटन ।

मंसिर :

- साउदी अरेबियामा भएको विश्व पारा तेक्वान्दो ग्रान्ड प्रिक्समा नेपालकी सिर्जना घिसिङलाई ऐतिहासिक स्वर्ण । उनले ५२ केजी मुनि के–४४ क्याटगोरीमा विश्व नम्बर १ खेलाडी टर्कीकी मेर्येम बेटुललाई १२–० ले हराएको छ ।  

–नेपाली राष्ट्रिय टिमका प्रशिक्ष्ँकबाट मनोज प्रभाकरको राजीनामा ।  

पुस :

 -नेपाल टी–ट्वान्टी लिग सुरु ।  

- गृह मन्त्रालयले नेपाल टी–ट्वान्टीमा देएिको विवादबीच छानविन गर्ने निर्देशन ।  

- आहा रारा पोखरा गोल्डकपको उपाधि संकटालाई ।  

- पहिलो संस्करणको नेपाल टी–ट्वान्टीको उपाधि लुम्बिनी अल स्टार्सलाई ।  

- बलात्कारको आरोप लागेका सन्दीप लामिछानेलाई धरौटीमा रिहा गर्ने पाटन उच्च अदालतको आदेश ।  

- प्रधानमन्त्रीकप महिला राष्ट्रिय ट्वान्टी ट्वान्टी क्रिकेट इटहरीमा सुरु । प्रतियोगितामा आठ टिमको सहभागिता ।

–बलात्कारको आरोप लागेका क्रिकेट खेलाडी सन्दीप लामिछाने २० लाख रुपैंया धरौटी बुझ्यर थुना मुक्त ।  

माघ :

- बंगबन्धु सेख मुजिब ढाका म्याराथानमा पुष्पालाई स्वर्ण पदक ।  

–सहिद स्मारक लिग ए डिभिजन ०७९ को सुरुआती ५ चरणको खेल तालिका सार्वजनिक ।  

-  सुदूरपश्चिमलाई प्रधानमन्त्रीकप महिला राष्ट्रिय ट्वान्टी ट्वान्टी क्रिकेटको उपाधि ।  

–नेपाली राष्ट्रिय टिमका सदस्य अञ्जन विष्ट भारतको आई–लिग क्लब मुम्बई केन्क्रेमा अनुबन्धित ।

–अन्नपूर्ण आरसीटी खुल्ला फिडे रेटिङ चेसको उपाधि फिडे मास्टर रूपेश जैसवाललाई ।  

–दोस्रो राइट टु प्रोटिन रन हाफ म्याराथनमा पुरुषतर्फ एपीएफका दीपक अधिकारी र फुलमती राना विजयी ।  

- एनएसजेएफ पल्सर स्पोर्टस अवार्डको १९ औं संस्करण फागुन २३ मा हुने घोषणा ।  

–नेपाली टी–ट्वान्टीमा स्पट फिक्सिङको आरोपमा सीआईबीद्वारा महबुब आलम र आदिल अन्सारी पक्राउ ।  

-  नेपाल टी–ट्वान्टीमा स्पष्ट फिक्सिङ भएको सीआईबीको निस्कर्ष । (२०२३ जनवरी २४ मंगलबार)

- थाइल्यान्डमा भएको एएसबीसी यू–२२ बक्सिङ च्याम्पियनसिपमा सुष्मा तामाङलाई ऐतिहासिक रजत पदक ।  

- आसिफ सेखलाई आईसीसी स्पिरिट अफ क्रिकेट अवार्ड प्रदान गर्ने घोषणा ।  

–नेपाल क्रिकेट संघ (क्यान) ले नेपाल टी–ट्वान्टीका लागि भारतीय कम्पनी सेभेन थ्री स्पोर्टसस“ग सम्झौता गर्नु गलत भएको स्विकार ।

–सेभेन थ्री स्पोर्टसले आफु फिक्सिङमा संलग्न नभएको दाबी ।

–सातौं वरीयताका दिनेश प्रजापतिलाई सूर्य नेपाल गल्फ टुर अन्तर्गत सिजनको तेस्रो प्रतियोगिता सूर्य नेपाल एनपीजीए म्याच प्लेको उपाधि ।  

- पोखरामा भएको तेस्रो टाइगरकप अन्तर्राष्ट्रिय महिला तथा पुरुष भलिबलको पुरुषतर्फको उपाधि गण्डकी र महिलातर्फ एपीएफलाई उपाधि ।  

- नेपाली महिला राष्ट्रिय टिमको प्रशिक्षकमा अनन्त तामाङ नियुक्त । भारतविरुद्धको मैत्रीपूर्ण खेलका लागि प्रशिक्षक नियुक्त ।

-नेपाल क्रिकेट संघ (क्यान) द्वारा सन्दीप लामिछानेमाथिको निलम्बन फुकुवा ।

–सन्दीप लामिछानेलाई धरौटीमा छाड्ने पाटन उच्च अदालतको आदेशविरुद्ध सर्वोच्च अदालतमा महान्यायधिवक्ताको कार्यलयले निवेदन ।  

- एसियाली फुटबल महासंघ (एएफपी) को कार्यसमिति सदस्यमा अखिल नेपाल फुटबल संघ (एन्फा) का अध्यक्ष पंकज नेम्वाङ निर्विरोध निर्वाचित ।

–यू–२० वुमेन्स साफ च्याम्पियनसिप खेल्न नेपाली टिम बंगलादेश प्रस्थान । मुख्य प्रशिक्षकमा यम गुरुङ ।

–नेपाल क्रिकेट संघ (क्यान) को पोखरामा बसेको बोर्ड बैठकले विभिन्न १३ निर्णय गरेको । पुरुष र महिला गरेर केन्द्रीय अनुबन्धका लागि ३० खेलाडीको सूची जारी ।

–यूएईमा हुने आईसीसी यू–१९ मेन्स विश्वकप एसिया छनोटका लागि कप्तानमा गुल्सन झा नियुक्त ।

–नेपाल क्रिकेट संघ (क्यान) का कार्यवाहक सचिव प्रशान्तविक्रम मल्लद्वारा राजीनामा । उनको स्थानमा केन्द्रिय सदस्य दुर्गाराज पाठकलाई जिम्मेवारी ।

- नामिबिया र स्कटल्यान्डविरुद्ध हुने विश्वकप लिग–टु त्रिकोणात्मक सिरिजको बन्द प्रशिक्षण लागि २० सदस्यीय टिम घोषणा । त्यसमा सन्दीप लामिछाने पनि परेको ।

–यूएईको फुजराहमा हुने १० औं फुजराह ओपन अन्तर्राष्ट्रिय तेक्वान्दो च्याम्पियनसिपिमा सहभागी हुन २० सदस्यीय नेपाली टिम त्यसतर्फ प्रस्थान ।  

- यू–२० वुमेन्स साफ च्याम्पियनसिपमा नेपाल बंगलादेशसँग ३–१ ले पराजित ।  

–सर्वोच्च अदालतले बलात्कारको आरोप लागेको सन्दीप लामिछानेको मुद्धामा कैफियत प्रतिवेदन माग ।

–नेपाली राष्ट्रिय टिमका सदस्य विशाल राई अष्ट्रेलिया पलायन ।  

- पाँचौं सम्झनाकप अन्तर्राष्ट्रिय टेबल टेनिसको एकल उपाधि विनेश खनिया र नविता श्रेष्ठलाई ।  

- यू–२० वुमेन्स साफ च्याम्पियनसिपमा नेपालद्वारा भुटान ४–० ले पराजित ।  

- नेपाली राष्ट्रिय क्रिकेट टिमको प्रशिक्षकमा दुई वर्षका लागि मोन्टी देसाइ नियुक्त ।

 –राष्ट्रिय खेलकुद परिषदद्वारा नेपाल क्रिकेट संघ (क्यान) सँग स्पष्टिकरण माग ।  

- यू–२० वुमेन्स साफ च्याम्पिनयसपमा नेपालद्वारा भारत ३–१ ले पराजित ।  

–न्यु डाइमन्डलाई छैटौं केएनपी नेरोलेक राष्ट्रिय महिला भलिबलको उपाधि ।  

–डब्लूपीएलमा पाँच नेपाली खेलाडीको नाम दर्ता । तर अन्तिम सूचीमा कोही पनि परेनन् ।  

 –सहिद स्मारक लिग ए डिभिजन ०७९ का लागि विदेशी खेलाडीको कोटा थप ।  

- यू–२० वुमेन्स साफ च्याम्पियनसिपको ढाकामा भएको फाइनलमा नेपाल बंगलादेशसँग ३–० ले पराजित ।

–नामिबिया र स्कटल्यान्डविरुद्धको वल्र्डकप लिग डिभिजन–टुअन्तर्गत हुने त्रिकोणात्मक शृंखलाका लागि १४ सदस्यीय नेपाली टिम घोषित ।  

–बी डिभिजन चेसको उपाधि रूपेश जैसवाललाई ।  

- दोस्रो  कृष्णप्रसाद भट्टराई स्मृति करातेमानेपाल पुलिस टिम च्याम्पियन । पुलिसले १० स्वर्ण, २ रजत र ३ कांस्य जितेको ।

–आठौं प्रधानसेनापति खुला म्याराथनको उपाधि आर्मीका राजन रोकायलाई ।   महिला हाफ म्याराथनमा पुलिसका राजपुरा प्रछाई पहिलो ।  

–इटहरीमा भएको प्रथम मुख्यमन्त्रीकप राष्ट्रिय ¥योकिङ खुला ब्याडमिन्टमा पुरुषतर्फ प्रिन्स दाहाल र महिलातर्फ जेसिका गुरुङ  

फागुन :

- भारतविरुद्ध दुई वुमेन्स अन्तर्राष्ट्रिय मैत्रीपूर्ण खेल खेल्न नेपाली टोली चेन्नाइतर्फ ।  

- आईसीसी मेन्स वल्र्डकप क्रिकेट लिग–टुको त्रिकोणात्मक शृंखलामा नेपालद्वारा नामिबिया दुई विकेटले पराजित ।  

–साफ च्याम्पियनसिपको नयाँ संस्करण सन् २०२३ मा भारतमा गर्ने निर्णय ।  

- नेपाल र भारतबीचको पहिलो वुमेन्स अन्तर्राष्ट्रिय मैत्रीपूर्ण खेल २–२ को बराबरीमा टुंगेको ।  

 -आईसीसी मेन्स वल्र्डकप क्रिकेट लिग–टुको त्रिकोणात्मक शृंखलामा नेपालद्वारा स्कटल्यान्ड तीन विकेटले पराजित ।  

- नेपाल र भारतबीचको दोस्रो वुमेन्स अन्तर्राष्ट्रिय मैत्रीपूर्ण खेल गोलरहितको बराबरीमा टुंगेको ।

– आईसीसी मेन्स वल्र्डकप क्रिकेट लिग–टुको त्रिकोणात्मक शृंखलामा नेपालद्वारा नामिबिया तीन विकेटले पराजित गर्दै ।  

- पुलिसका प्रिन्स दाहालालाई १२ औं पुष्पलाल स्मृति राष्ट्रिय वरीयता ब्याडमिन्टनको पुरुष एकलको उपाधि । महिलातर्फको उपाधि आर्मीकी अनुमाया राईलाई ।  

- आईसीसी मेन्स वल्र्डकप क्रिकेट लिग–टुको त्रिकोणात्मक शृंखलामा नेपालद्वारा स्कटल्यान्ड दुई विकेटले पराजित । शृंखलामा नेपालको क्लिन स्विप ।  

-पाँचौं सहिद स्मृति स्थानीय तह फुटबल प्रतियोगिताको उपाधि मनाङ मस्र्याङ्दीलाई ।  

–नेपाली टी–ट्वान्टीमा स्पट फिक्सिङ गरेको आरोपमा पक्राउ गरेका आदिल आलम र महबुब आल तीन लाख धरौटी बुझाएर थुनामुक्त ।

- नेपाल क्रिकेट संघ (क्यान) ले आईसीसी विश्वकप क्रिकेट लिग–टुको यूएईमा हुने त्रिकोणात्मक शृङ्खलाका लागि सन्दीप लामिछाने विनाको १५ सदस्यीय टिम घोषणा ।

- नेपाली नम्बर १ प्रो शुक्रबहादुर राईलाई सूर्य नेपाल गल्फ टुरको चौथो स्पर्धा वेस्टर्न ओपनको उपाधि ।  

–नेपालले आईसीसी यू–१९ एसिया विश्वकप छनोटमा सिंगापुरलाई ९६ रनले पराजित गरेको छ ।  

–सर्वोच्च अदालतले सन्दीप लामिछानेलाई विदेश जान अनुमति दिन नमिल्ने आदेश ।  

- आईसीसी यू–१९ एसिया विश्वकप छनोटमा नेपालद्वारा कुवेत २ सय ४३ रनले पराजित ।  

–बागमती प्रदेश न्यु डाइमन्ड कप यू–१८ को उपाधि आयोजक न्यु डाइमन्ड स्पोर्टस क्बललाई ।  

- नेपाल यू–१९ विश्वकपका लागि छनोट । निर्णायक खेलमा नेपालले यूएईलाई ७ रन हराएर आईसीसी यू–१९ विश्वकप एसिया छनोट जितेको ।  

- सहिद स्मारक लिग ए डिभिजन ०७९–०८० सुरु । डबल राउन्ड रोबिनको आधारमा १४ टिमले प्रतिस्पर्धा गर्नेछ ।

–एएफसी यू–२० वुमेन्स एसियाकप छनोटका लागि प्रशिक्षक यम गुरुङद्वारा नेपाली टिमको घोषणा ।  

–एभिनियर एफसी क्यामरुनलाई २३ औं संस्करणको बुढा सुब्बा गोल्डकपको उपाधि ।  

–सेन्ट्रल एसियन भलिबल एसोसियसन (काभा) महिला भलिबल च्यालेन्जकप नेपालमा हुने । नेपाल भलिबल संघ र काभाबीच सम्झौता ।  

-एनएसजेएफ पल्सर स्पोर्टस अवार्ड ०७८ मा अञ्जन विष्ट र अरुणा शाही उत्कृष्ट वर्ष खेलाडी घोषित । मनीष डाँगी वर्ष युवा खेलाडी, अब्दुल्लाह अल्मुताइरी वर्षका प्रशिक्षक घोषित । उषा भण्डारी पिपुल्स च्वाइस अवार्ड । रघु वन्तलाई लाइफ टाइम एचिभमेन्ट अवार्ड । पलेशा गोवर्धन उत्कृष्ट पारा एथलेट ।

–एसियन क्रस कन्ट्री च्याम्पियनसिपमा नेपालका दीपक अधिकारलाई ऐतिहासिक स्वर्ण ।  

- एएफसी यू–२० वुमेन्स एसियाकप छनोटमा नेपालद्वारा प्यालेस्टाइन ७–० ले पराजित ।  

- आईसीसी विश्वकप क्रिकेट लिग–टुको अन्तिम त्रिकोणात्मक शृंखलामा नेपालद्वारा पपुवा न्युगिनी ५२ रनले पराजित ।  

- आईसीसी विश्वकप क्रिकेट लिग–टुको अन्तिम त्रिकोणात्मक शृंखलामा नेपालद्वारा पपुवा न्युगिनी नौ विकेटले पराजित ।  

–पुलिसका संयोग कपाली र नवीता श्रेष्ठ १२ औं पूण्यमान वज्राचार्य स्मृति राष्ट्रिय खुला टेबल टेनिसयमा च्याम्पियन ।  

- अखिल नेपाल फुटबल संघ (एन्फा) ले पुरुष राष्ट्रिय टिमको प्रशिक्षकका रूपमा इटालीका भिन्सेन्जो अल्बर्टो सार्वजनिक ।  

चैत :

- आईसीसी मेन्स क्रिकेट वल्र्डकप लिग–टुको अन्तिम खेलमा नेपालद्वारा यूएई डकवर्थ लेविस नियम अनुसार नौ रनले पराजित । सिधै ग्लोबल छनोट खेल्ने  

- सूर्य नेपाल सेन्ट्रल ओपनको उपाधि नम्बर १ खेलाडी शुक्रबहादुर राईलाई । २ अन्डर ७० को प्रदर्शन ।  

- साफ यू–१७ वुमेन्स च्याम्पियनसिपको ढाकामा भएको खेलमा नेपाल भारतसँग ४–१ ले पराजित ।  

- थ्री नेसन्स कपका लागि मुख्य प्रशिक्षक भिन्सेन्जो अल्बर्टोद्वारा २३ सदस्यीय टिम घोषित ।  

- थ्री नेसन्सकपमा नेपालद्वारा दशरथ रंगशालामा भएको खेलमा लाओस २–० ले पराजित ।

–साफ यू–१७ वुमेन्स च्याम्पियनसिपको ढाकामा भएको खेलमा नेपालद्वारा भुटान ५–० ले पराजित ।

–नेपाली राष्ट्रिय फुटबल टिमका पूर्व खेलाडी तथा प्रशिक्षक डम्बरसिं गुरुङको ह्दयघातले ७२ वर्षको उमेरमा पोखरमा निधन ।  

- सुजल श्रेष्ठद्वारा नेपालका लागि अन्तर्राष्ट्रिय फुटबलबाट सन्सासको घोषणा र अष्ट्रेलिया प्रस्थान ।

–तेस्रो वुमेन्स ललितपुर मेयर्सकप ट्वान्टी ट्वान्टी । चार टिमका सहभागिता ।  

–२२ औं तिलोत्तमा गोल्डकपको उपाधि मनाङ मस्र्याङदीलाई ।  

–१३ औं संस्करणको इटहरि गोल्डकपको उपाधि सगरमाथा युथलाई ।  

–आर्मीका मुकेश पाल र पुलिसकी राजपुरा पछाईलाई चौथो वीर गणेशमान सिंह १० के रोड रेसको उपाधि ।  

- साफ यू–१७ वुमेन्स च्याम्पियनसिपको ढाकामा भएको खेलमा नेपाल रुससँग ३–० ले पराजित ।

–नेपाल कराते महासंघको अध्यषमा युवराज लामा निर्विरोध चिर्वाचित ।  

- एलडीबीए थ्री बाइ थ्री खुला पुरुष बास्केटबलको उपाधि आर्मी ‘बी’ लाई ।  

–बलात्कारको आरोप लागेका सन्दीप लामिछानेमाथिको अन्तिम सुनुवाइ स्थगित ।  

- थ्री नेसन्स कपमा नेपाल र भुटानको १–१ को बराबरी ।

–साफ यू–१७ वुमेन्स च्याम्पियनसिपको ढाकामा भएको खेलमा नेपाल र बंगलादेशको १–१ को बराबरी  

- तेस्रो वुमेन्स ललितपुर मेयर्सकप ट्वान्टी ट्वान्टीको उपाधि एपीएफलाई । उपाधिमाथि एपीएफको ह्याट्रिक ।  

–सातौं विराट गोल्डकपको उपाधि विराटनगर सिटी एफसीलाई ।  

- थ्री नेसन्स कपको उपाधि नेपाललाई । दशरथ रंगशालामा भएको फाइनलमा नेपालद्वारा लाओस २–१ ले पराजित । आयुष घलान उत्कृष्ट खेलाडी घोषित ।

– सूर्य नेपाल गल्फ टुरको प्रो उपाधि सद्भाव आचार्यलाई ।  

–पेरिस ओलम्पिक छनोट पहिलो चरणमा भियतनामविरुद्ध हुने खेलका लागि प्रशिक्षक अनन्त थापाद्वारा २२ सदस्यीय टिम घोषित ।  

-छैटौं संस्करणको मुख्यमन्त्री सुदूरपश्चिम खप्तड गोल्डकपको उपाधि थ्री स्टारलाई ।  

–१३ औं जीतपुर सिमरा गोल्डकपको उपाधि चर्च ब्वाइजलाई ।  

–पोखरामा भएको एसियाकप ट्राइथलनपकको उपाधि पुरुषतर्फ लक्जेम्बर्गका बब हेलर र महिलातर्फ स्लोभाकियाकी मारगेटा बिकानोभालाई । दक्षिण एसियाली च्याम्पियनसिपमा नेपाललाई एक रजत र दुई कांस्य । श्रेवी महर्जनले सिनियरमा कांस्य र युनियरमा रजत जितेको । वसन्त थारुले सिनियरमा कांस्य जितेको ।  

- ओलम्पिक छनोटको पहिलो खेलमा नेपाल भियतनामसँग ५-१ र दोस्रो खेलमा २-० ले पराजित ।

-चीनमा आयोजना हुने १९ औं एसियाली खेलकुदका लागि बैशाखबाट खेलाडीको विशेष प्रशिक्षण सुरु हुने घोषणा ।

- भारतको हिरो इन्डियन वुमन्स लिग खेल्न राष्ट्रिय महिला फुटबल टिमका कप्तान तथा गोलकिपर एन्जिला सुब्बा, फरवार्ड सावित्रा भण्डारी, मिडफिल्डर सरु लिम्बु र रेनुका नगरकोटी प्रस्थान  ।