काठमाडौं । सातौं संस्करणको एनभीए राष्ट्रिय महिला तथा पुरुष क्लब भलिबल च्याम्पियनसिप अन्तर्गत आज बुधबार ६ खेलहरु हुँदैछन् ।
त्रिपुरेश्वरस्थित राखेपको कभर्डहलमा बुधबार महिलातर्फ दुई र पुरुषतर्फ चार खेलहरु हुनेछन् ।
सुरुआती दुई खेल महिलातर्फको हुनेछ । जसअन्तर्गत पहिलो खेलमा एभरेष्ट भलिबल क्लब र नयाँ बजार सामाजिक युथ क्लबबीच खेल हुनेछ । खेल बिहान ८ बजेबाट सुरु हुनेछ ।
महिलातर्फको दोस्रो खेलमा गण्डकी प्रदेश र त्रिभुवन आर्मी क्लबबीचमा हुनेछ । खेल बिहान १० बजेबाट सुरु हुनेछ ।
पुरुषतर्फको पहिलो खेलमा न्युटन भलिबल एकेडेमी र ढोरपाटन स्पोर्टस क्लबबीच खेल हुनेछ । खेल मध्यान्ह १२ बजेबाट सुरु हुनेछ ।
पुरुषतर्फको दोस्रो खेलमा नेपाल पुलिस क्लब र गण्डकी प्रदेशबीच खेल हुनेछ । दुई टोलीबीचको खेल दिउँसो २ बजेबाट सुरु हुनेछ ।
पुरुषतर्फको तेस्रो खेलमा टिपटप हेल्प नेपाल र केशवलाल भलिबल ट्रेनिङ सेन्टरबीच प्रतिस्पर्धा हुनेछ । खेल दिउँसो ४ बजेबाट सुरु हुनेछ ।
त्यस्तै पुरुषतर्फको चौंथो तथा दिनको अन्तिम खेलमा जावलाखेल भलिबल क्लब र शैलुङ्ग भलिबल क्लबबीच प्रतिस्पर्धा हुनेछ । खेल साँझ ६ बजेबाट सुरु हुनेछ ।
च्याम्पियनसिपमा पुरुषतर्फ १४ र महिलातर्फ ८ टोलीको सहभागिता रहेको छ ।
च्याम्पियनसिपको महिला र पुरुष विजेताले नगद ४ लाख पाउनेछन् । यस्तै उपविजेताले २ लाख र तेस्रो हुनेले १ लाख पाउनेछन् । च्याम्पियनसिपको सर्वोत्कृष्ट महिला र पुरुष खेलाडीले जनही २५ हजार पाउने छन् ।
विधागततर्फ उत्कृष्ट हुने लिबेरो, स्पाइकर, ब्लकर, सर्भर, सेटर र प्रशिक्षकले जनही १० हजार रुपैयाँ पाउनेछन् ।
त्यस्तै च्याम्पियनसिपबाट पुरुषतर्फ शीर्ष ८ टोली र महिलातर्फ शीर्ष ६ टोलीले सातौं आरबीबी-एनभीए क्लब लिगका लागि छनोट हुनेछन् ।
-1732631466.jpeg)
