तेस्रो स्थानका लागि आज नेपाल र श्रीलंका भिड्दै

काठमाडौं । बंगलादेशमा जारी बगबंन्धु एसियन यू-२३ सेन्ट्रल एसियन जोन अन्तराष्ट्रिय पुरुष भलिबल च्याम्पियनसिपमा नेपालले आज सोमबार श्रीलंकाको सामना गर्दैछ ।

ढाकामा नेपालले तेस्रो स्थानका लागि श्रीलंकासँग खेल्ने लागेको हो । नेपाल र श्रीलंकाबीचको खेल बिहान १०:१५ बजे सुरु हुनेछ ।

आज नेपाल श्रीलंकालाई हराएर तेस्रो स्थान हासिल गर्न चाहन्छ । श्रीलंका पनि नेपाललाई हराएर तेस्रो स्थान प्राप्त गर्न चाहन्छ ।

यस अघि लिग चरणको खेलमा नेपाललाई श्रीलंकाले हराएको थियो ।

प्रतियोगिताको उपाधिका लागि बंगलादेश र किर्गिस्तान भिड्ने छन् ।

आइतबार भएको सेमिफाइनलमा आयोजक बंगलादेशले नेपाललाई ३-० को सोझो सेटमा हराएको  थियो ।

यस्तै किर्गिस्तानले श्रीलंकालाई ३-० को सोझो सेटमा हराएको थियो ।

च्याम्पियनसिपमा  आयोजक बंगलादेशसहित नेपाल, किर्गिस्तान र श्रीलंकाको सहभागिता रहेको छ ।