काठमाडौं । नेपालको नम्बर एक गल्फर शिवराम श्रेष्ठले सुर्य नेपाल गल्फ टुर अन्तर्गतको सुर्य नेपाल काठमाडौं ओपन गल्फको उपाधि जितेका छन्।
रोयल नेपाल गल्फ क्लबमा शुक्रबार भुवन नगरकोटीलाई ६ स्ट्रोक्सले पछि पार्दै उपाधि जितेका हुन् । अन्तिम दिन इभन पार ६८ स्कोर बनाएका शिवरामले कुन ११ अन्डर २६१ स्कोर सहित उपाधि जितेका हुन् ।
उपाधिसंगै शिवरामले ९५ हजार नगद प्राप्त गरे ।
दोस्रो भएका भुवनले ५ अन्डर २६७ स्कोर बनाए । भुवनले ६५ हजार नगद प्राप्त गरे । यस्तै तेस्रो भएका धन बहादुर थापाले २६८ स्कोर जोडे । उनले ५५ हजार प्राप्त गरे ।
प्रतियोगितामा ३३ प्रोफेसनल र ८ एमेच्योरसहित कुल ४१ खेलाडीले प्रतिस्पर्धा गरेका थिए ।
