नवौं राष्ट्रिय : डुवानालाई राष्ट्रिय कीर्तिमानसहित स्वर्ण

पोखरा । नवौं राष्ट्रिय खेलकुद प्रतियोगिता अन्तर्गत पौडीको महिला २०० मिटर मिड्लेमा आर्मीकी डुवाना लामाले राष्ट्रिय कीर्तिमानसहित स्वर्ण पदक जितेकी छिन् ।

पोखरास्थित फिस्टेल एकेडेमिमा शनिबार भएको खेलमा डुवानाले २ मिनेट ३०.६७ सेकेन्डको समय निकाल्दै कीर्तिमान सुधार गरिन् ।

डुवानाले हिट चरणमा बनाएको २ मिनेट ३१. ४६ को कीर्तिमान तोडेकी हुन् ।

त्यस्तै एपीएफकी रोयाल प्रजापतिले २ मिनेट ४१.८० सेकेन्डको समय निकाल्दै रजत जित्दा बागमतीकी रोषा न्यौपाने तेस्रो भइन् ।उनले २ मिनेट ४९.२६ को समय निकालेकी थिइन्।