पोखरामा वडा स्तरीय फुटसल प्रतियोगिता हुने 

पोखरा । पोखरामा आगामी कात्तिकमा प्रथम वडा स्तरीय फुटसल प्रतियोगिता हुने भएको छ ।

नेपाल उद्योग व्यवसायी महासंघ पोखरा महानगर कमिटीको आयोजनामा कात्तिक १७ देखि १९ गते सम्म पोखरा रंगशालामा प्रतियोगिता आयोजना हुने भएको हो । 

बुधबार पत्रकार सम्मेलनको आयोजना गरेर प्रतियोगिताबारे जानकारी दिइएको हो ।

प्रतियोगितामा ८० देखि १ सय टिमको सहभागिता रहने संयोजक तुलबहादुर थापाले जानकारी दिए । प्रथम हुने टिमले नगद रु। १ लाख र दोस्रो हुने टिमले ५० हजार रुपैयाँ सहित ट्रफि, मेडल र प्रमाणपत्र प्राप्त गर्ने संयोजक थापाले बताए ।

प्रतियोगिताबाट १० लाख आम्दानी तथा ७ लाख खर्च हुने आयोजकको अनुमान छ । बचत रकमबाट सामाजिक उत्तरदायित्व अन्तर्गत गरिब तथा जेहन्दार विद्यार्थीहरुलाई छात्रवृत्ति प्रदान गरिने महानगर कमिटीका अध्यक्ष हरी भुजेलले बताए ।

विभिन्न पेशा तथा व्यवसायमा आबद्ध व्यवसायी खेलाडीहरुबीच खेलको माध्यमद्धारा आपसी मित्रता अभिवृद्धि गर्ने उद्देश्यले प्रतियोगिता आयोजना गर्न लागिएको अध्यक्ष भुजेलले बताए ।