प्रभातफेरीलाई उपाधि

काठमाडौं । प्रभातफेरी युथ क्लबले दशैं ओपन फुटसल प्रतियोगिताको उपाधि जितेको छ ।

नागार्जुन फुटसल रानीबनमा भएको फाइनलमा ड्रिमर एफसीलाई पेनाल्टी सुटआउटमा ५-४ ले हराउँदै प्रभातफेरीले उपाधि जितेको हो ।

खेलको निर्धारित समय गोलरहित बराबरीमा सकिएपछि खेल पेनाल्टीमा गएको थियो ।

उपाधिसँगै प्रभातफेरीले ७५ हजार प्राप्त गरेको छ ।

नागार्जुन मल्टीप्रपोज युथ क्लबको आयोजनामा भएको प्रतियोगिताको उपविजेताले ३५ हजार प्राप्त गरे ।

ड्रिमरका सुरज गुरुङ उत्कृष्ट खेलाडी बन्दै ३ हजार ५ सय प्राप्त गरे ।