काठमाडौं । नेपाल पौडी संघले नेपालमा आयोजना भएको १३ औं दक्षिण एशियाली खेलकुद (साग) मा पदक विजेता चार महिला खेलाडीलाई नगदसहित सम्मानित गरेको छ ।
संघले मंगलबार पदक विजेता पौडीका गौरिका सिंह, डुवाना लामा, टिशा शाक्य र अनुशिया तण्डुकारलाई नगदसहित सम्मान पत्रले सम्मान गरेको हो ।
गौरिकालाई १ लाख, डुवानालाई ५० हजार र टिशा तथा अनुशियालाई नगद २५ हजारले सम्मान गरेको हो ।
गौरिकाले ४ स्वर्ण २ रजत र ३ कास्य, डुवानाले २ रजत र ३ कास्य, टिशाले ४ कास्य र अनुशियाले ३ कास्य पदक हात पारेका थिए ।
बिजयी खेलाडीहरुलाई प्रमुख अतिथी माननिय युवा तथा खेलकुद मन्त्री महेश्वर जंग गहतराजले पुरस्कार वितरण गरेका थिए ।
