काठमाडौं । हाम्रो फुटसल पत्रकार टिमले एनएफपीजे फुटसल प्रतियोगिताको उपाधि जितेको छ ।
स्वस्तीश्री गुरुकुल विद्यालयको फुटसलमा शनिबार भएको फाइनलमा धादिङ फोटोपत्रकार टिमलाई ४-२ गोल अन्तरले हराउँदै हाम्रो फुटसलले उपाधि जितेको हो ।
हाम्रो फुटसलका लागि बासु अवाल र आसिश पुडासैनीले २/२ गोल गरे । प्रतियोगिताको उत्कृष्ट खेलाडी हाम्रो फुटसलका बासु अवाल घोषित भए । उत्कृष्ट गोलकिपर धादिङ फोटो पत्रकारका श्रीकृष्ण भण्डारी चुनिए ।
राष्ट्रिय फोटो पत्रकार समूह (एनएफपीजे) को २५ औं वार्षिक उपलक्ष्यमा प्रतियोगिता आयोजना गरिएको हो ।
प्रतियोगितामा १२ वटा टिम सहभागी थिए । नकआउटका आधारमा भएको प्रतियोगितमा ऋषि धमलाको टिम , शिलापत्र, गोरखापत्र,रासस,हाम्रो जन्मभूमि,नियात्रा टिभि रेडियो पर्यावरण ,फोटोपत्रकार सघ धादिङ, हाम्रो फूटसल टिम , गुरुङ पत्रकार संघ लगायतका टिमहरु सहाभागीता रहेको थियो ।
विजेताहरुलाई मेडल, ट्रफी र प्रमाणपत्र संस्थाका अध्यक्ष प्रदीपराज वन्तले वितरण गरेका थिए ।
कार्यक्रममा बोल्दै संस्थाका अध्यक्ष वन्तले राष्टिय फोटोत्रपकार समूहको सस्थाको २५ औं स्थापना दिवसको अवसरमा पत्रकार तथा फोटोपत्रकारहरुबीच भाइचाराको सम्वन्ध रहोस भन्ने हेतुले उक्त कार्यक्रम गरिएको बताए ।
प्रतियोगितामा विजवजार डटकम र स्वस्तीश्री गुरुकुल स्कुलको पनि सहयोग रहेको थियो ।
