काठमाडौं । पोखराको लामाचौरमा हुन लागेको प्लस टु फुटसल प्रतियोगितालाई अल्फान्जो रिसोर्टले प्रायोजन गरेको छ ।
युनिक ब्रोदर्स युनाइटेडको आयोजनामा हुन लागेको प्रतियोगितालाई अल्फान्जो रिसोर्टले प्रायोजन गर्ने टुङ्गो लागेको हो ।
असारको २४ गतेबाट सुरु हुने प्रतियोगिता २६ गतेसम्म सञ्चालन हुदैछ । प्रतियोगिताको मुख्य प्रायोजकको रुपमा जी एण्ड के इन्टरनेश्नल एजुकेशन कन्सलट्यान्टले प्रायोजन गरेको छ ।
मुन फटसलमा हुने प्रतियोगिताको विजेताले उपाधि सहित ५० हजार र उपविजेताले २५ हजार रुपैयाँ प्राप्त गर्नेछ ।
प्रतियोगिताको उत्कृष्ट खेलाडी, डिफेन्डर र गोलरक्षकले ट्रफी र मेडल प्राप्त गर्नेछ । प्रतियोगितामा सहभागी हुने टिमले ३ हजार रुपैयाँ दर्ता शुल्क तिर्नुपर्नेछ ।
