बेसीशहर । एक्स-गोर्खा कास्कीले प्रथम महिला फुटसल प्रतियोगिताको उपाधि जितेको छ ।
लमजुङ जिल्लाको बेसीशहरस्थित लमजुङ फुटसलमा सोमबार भएको फाइनलमा मिनाम लाङघलीलाई ३-० ले हराउँदै एक्स-गोर्खा च्याम्पियन बनेको हो ।
एक्स गोर्खालाई उपाधि दिलाउन जेनिफर रानाले ह्याट्रिक गरिन् ।
उपाधिसँगै एक्स गोर्खाले ३० हजार प्राप्त गर्दा उपविजेता मिनामले १५ हजार प्राप्त गरेका छन् ।
सेमिफाइनलमा एक्स गोर्खाले बा.घे.ता लमजुङलाई पेनाल्टी सुटआउटमा २-० ले हराएको थियो ।
मिनामले एरिना फुटसल काठमाडौंलाई ४-१ ले हराएको थियो ।
लमजुङ फुटसलले आयोजना गरेको प्रतियोगिताको सर्वोत्कृष्ट खेलाडी बा.घे.ताकी मनिषा थापा मगर घोषित भईन् ।
यस्तै उत्कृष्ट गोलकिपर एक्स गोर्खाकी झरना राई र सर्वाधिक गोलकर्ता मिनामकी सम्झना शर्मा बनिन् ।
