काठमाडौं । लमजुङ जिल्लाको बेसीशहरमा प्रथम महिला फुटसल प्रतियोगिता आयोजना हुने भएको छ ।
लमजुङ फुटसलको आयोजनामा हुने प्रतियोगिता असार १८ र १९ गते हुनेछ ।
प्रतियोगिताको विजेताले ५० हजार र उपविजेताले २५ हजार पाउने आयोजकले जनाएको छ ।
यस्तै उत्कृष्ट खेलाडी, सर्वाधिक गोलकर्ता, उत्कृष्ट गोलकिपरले १५ सय नगदसहित ट्रफी पाउने छन् ।
उत्कृष्ट प्रशिक्षकलाई ट्रफी र प्रमाणपत्र प्रदान गरिने आयोजकले जनाएको छ ।
