पालिका वडा स्तरीय फुटसलको सेमिफाइनल समीकरण पूरा

काठमाडौं । बेसीसहरमा  जारी पालिका वडा स्तरीय फुटसल प्रतियोगिताको सेमिफाइनल समीकरण पूरा भएको छ ।

लमजुङ फुटसलमा सोमबार भएको पहिलो क्वाटरफाइनलमा नाल्माले ढगैलाई ७-२ को अन्तरले पराजित गर्दै अन्तिम चारमा स्थान पक्का गरेको छ ।

दोस्रो क्वाटरफाइनलमा दोर्दीले उत्कृष्ट पुनरागमन गर्दै ५-३ को जितसहित सेमिफाइनलमा स्थान बनाएको छ ।

तेस्रो क्वाटरफाइनलमा हिलेले दुधपोखरीलाई ७-१ गोलले हराएर अन्तिम चारको यात्रा तय गर्यो ।

यस्तै अन्तिम क्वाटरफाइनलमा नवथरले उदीपुर युवा क्लबलाई ७-५ गोल अन्तरले पराजित गर्यो ।

अब पहिलो सेमिफाइनलमा नाल्माले दोर्दीसँग खेल्नेछ । हिलेले नवथरसँग प्रतिस्पर्धा गर्नेछ ।

प्रतियोगिताको विजेताले ७० हजार प्राप्त गर्ने छन् ।

यस्तै दोस्रो हुने टोलीले ३० हजार पाउने छन् ।

उत्कृष्ट खेलाडीले २५ सय प्राप्त गर्ने आयोजकले जनाएको छ ।