काठमाडौं । बेसीसहरमा जारी पालिका वडा स्तरीय फुटसल प्रतियोगिताको दोस्रो दिन पाँच क्लबले दोस्रो चरणमा स्थान बनाएका छन् ।
लमजुङ फुटसलमा आइतबार उदीपुर युवा क्लबले ६-३ ले नाईचे युवा क्लबलाई पराजित गर्दै दोस्रो चरणमा स्थान पक्का गरेको छ ।
दोर्दीले बेसीसहर-९ लाई ४-२ ले हराएर अर्को चरणमा स्थान बनाएको छ ।
यस्तै दोस्रो चरण पुग्ने क्रममा ठुलेवेशीले मालिंग एफसीलाई २-१ को गोल अन्तरले पराजित गरेको छ ।
बेसीसहर-७ ले सुन्दरबजार-५ माथि ४-१ को जित निकाल्दै अर्को चरणमा पुगेको छ ।
नवथर शेराले ठुलेवेशी (ख) लाई ४-० ले हराएर अर्को चरणमा स्थान पक्का गरेको छ ।
प्रतियोगिताको विजेताले ७० हजार प्राप्त गर्ने छन् ।
यस्तै दोस्रो हुने टोलीले ३० हजार पाउने छन् ।
उत्कृष्ट खेलाडीले २५ सय प्राप्त गर्ने आयोजकले जनाएको छ ।
