काठमाडौं । लमजुङको बेसीसहरमा जारी संघ, प्रदेश र स्थानीय तहबीचको प्रथम फुटसल प्रतियोगिताको सेमिफाइनल समीकरण पूरा भएको छ ।
लमजुङ फुटसलमा शनिबार प्रतियोगिताको पहिलो दिन अन्तिम चारमा पुग्ने टोलीको तय भएको हो ।
प्रतियोगिताको पहिलो क्वाटरफाइनलमा बेसीसहर नगरपालिकाले दोर्दी गाउपालिकालाई ९-१ गोल अन्तरले पराजित गर्यो ।
यस्तै दोश्रो क्वाटरफाइनलमा सिडेन तनहुले दुधपोखरी गाउपालिकालाई ४-१ ले पराजित गर्यो ।
यस्तै तेश्रो क्वाटरफाइनलमा सिडेन लमजुङलाई आई.डी.ओ लमजुङले १२-३ ले पराजित गर्दा अन्तिम क्वाटरफाइनलमा लमजुङ बेन्कर्सले क्व्होलासोथार गाउपलिकालाई ६-४ ले पराजित गरेको छ ।
सेन्टर फर डेमोक्रेटिक इन्जिनीयर्स नेपाल ( सिडेन) स्थानिय केन्द्र लम्जुङको आयोजनामा जारी प्रतियोगिताको सेमिफाइनल र फाइनल खेल आइतबार हुनेछ ।
प्रतियोगिताको विजेताले खसी, ट्रफी, मेडल र प्रमाणपत्र पाउने छन् ।
दोस्रोले बोका मेडल र प्रमाणपत्र पाउने छन् ।
