नेपाल-भारत व्हीलचेयर क्रिकेटलाई गरिमा बैंकको साथ  

काठमाडौं ।  व्हीलचेयर क्रिकेट संघको आयोजनामा हुने नेपाल-भारत टी-ट्वान्टी क्रिकेटसँग गरिमा विकास बैंक जोडिएको छ ।

मुलपानी क्रिकेट मैदानमा हुने प्रतियोगितामा प्रायोजकको रुपमा गरिमा बैंक जोडिएको हो ।

गरिमा विकास बैंकका सिइओ गोविन्द प्रसाद ढकाल र प्रतियोगिताका टेक्निकल हेड रविन्द्र गुप्ताबीच सम्झौतामा हस्ताक्षर भएको छ ।

सम्झौतापछि व्हील चेयर क्रिकेट संघका अध्यक्ष छुल्टीम शेर्पाले गरिमा विकास बैंक परिवारलाई यस प्रतियोगितामा दिनु भएको सहयोगप्रति  हार्दिक आभार प्रकट गरे ।

बैंकका सिइओ  ढकालले  अपाङ्गता भएका व्यक्तिहरूबीच हुने यस प्रतियोगितामा आफूले सामाजिक दायित्व गरेको र उनीहरुलाई सम्पूर्णले साथ दिनु पर्ने बताए ।

नेपाल र भारतका शारीरिक अपाङ्गता भएका व्यक्तिहरूबीच हुने खेल आगामी सन् २०२२ जुन १०–१२ मा हुने आयोजक संस्थाका अध्यक्ष शेर्पाले जानकारी दिए ।

अपाङ्गता भएका व्यक्तिहरूलाई प्रेरित गर्न, अपाङ्गताको बारेमा मानिसहरूलाई सचेत गराउन र पर्यटन पहुँच प्रवर्द्धन गर्नका लागि यस प्रतियोगिता गर्न लागेको अध्यक्ष शेर्पाले बताए ।