आदिवासी जनजाती खुल्ला फुटसल हुने

काठमाडौं । नेपाल शेर्पा विद्यार्थी संघको आयोजनामा आदिवासी जनजाती विशेष खुल्ला फुटसल प्रतियोगिता आयोजना हुने भएको छ । 

काठमाडौंको चुच्चेपाटीस्थित भाटभटेनी फुटसलमा हुने प्रतियोगिता जेठ २१ र २२ गते संचालन हुने प्रतियोगिता संयोजक पेम्बा शेर्पाले जानकारी गराए ।

नकआउटको आधारमा आयोजना हुने प्रतियोगिताको विजेताले १ लाख पाउने छन् । यस्तै उपविजेता टोलीले ५० हजार प्राप्त गर्ने छन् ।

तेस्रो स्थान हासिल गर्ने टोलीले पदक तथा प्रमाणपत्र पाउँदा चौंथो स्थानको टोलीले प्रमाणपत्र पाउने छन् ।

यस्तै उत्कृष्ट खेलाडी, सर्वाधिक गोलकर्ता र उत्कृष्ट गोलकिपरले ट्रफी प्राप्त गर्ने छन् ।

प्रतियोगितामा सहभागिता जनाउन जेठ १९ गतेसम्म टिम दर्ता गर्नुपर्नेछ । दर्ता शुल्क ६ हजार ५ सय राखिएको छ ।