काठमाडौं । व्हीलचेयर क्रिकेट संघको आयोजनामा हुने नेपाल-भारत टी-ट्वान्टी क्रिकेटसँग सगरमाथा मल्टिपल कलेज जोडिएको छ ।
मुलपानी क्रिकेट मैदानमा हुने प्रतियोगितामा प्रायोजकको रुपमा सगरमाथा जोडिएको हो ।
सगरमाथा मल्टिपल कलेजका कोर्डिनेटर मनिस बस्नेत र प्रतियोगिताका अम्पायर रविन्द्र गुप्ताबीच सम्झौता पत्रमा हस्ताक्षर भयो ।
सम्झौतापछि व्हीलचेयर क्रिकेट संघका अध्यक्ष छुल्टीम शेर्पाले सगरमाथा कलेज परिवारलाई धन्यवाद दिए ।
नेपाल र भारतका शारीरिक अपाङ्गता भएका व्यक्तिहरूबीच हुने खेल जुन १० देखि १२ सम्म हुनेछ ।
अपाङ्गता भएका व्यक्तिहरूलाई प्रेरित गर्न, अपाङ्गताको बारेमा मानिसहरूलाई सचेत गराउन र पर्यटन पहुँच प्रवर्द्धन गर्नका लागि यस प्रतियोगिता गर्न लागेको अध्यक्ष शेर्पाले जानकारी गराए ।
