उपाधिका लागि न्यु आदर्श र सामना युथ भिड्ने  

काठमाडौं । लमजुङमा यू-१८ फुटसल प्रतियोगिताको उपाधिका लागि न्यु आदर्श र सामना युथ क्लबबीच प्रतिस्पर्धा हुने भएको छ ।

लमजुङ फुटसलको आयोजनामा जारी प्रतियोगिता अन्तर्गत सोमबार भएको पहिलो सेमिफाइनलमा न्यु आदर्शले जेवाईसी सुन्दरबजारलाई पेनाल्टी सुटआउटमा ३-२ ले पराजित गर्यो । खेल २-२ गोलको बराबरी भएपछि पेनाल्टीमा गएको थियो।

दोस्रो सेमिफाइनलमा सामनाले मुन स्टार एफसीलाई ५-० ले हराएर न्यु आदर्शसँगको भेट पक्का गरेको हो ।

फाइनल खेल मंगलबार हुनेछ ।

प्रतियोगिताको विजेताले ५० हजार र उपविजेताले २० हजार पाउने छन् ।

उत्कृष्ट खेलाडीले २ हजार ५ सय पाउने आयोजकले जनाएको छ।