काठमाडौं । लमजुङमा यू-१८ फुटसल प्रतियोगिता सुरु भएको छ ।
लमजुङ फुटसलको आयोजना भएको प्रतियोगिताको पहिलो खेलमा समृद्धि गुफा क्लबले बन्सार एकता क्लबलाई ३-१ गोल अन्तरले हराएको छ ।
यस्तै दोस्रो खेलमा जेएमडीले हिले बजार युवा क्लबलाई टाइब्रेकरमा ३-२ ले हराएको छ । खेल २-२ गोलको बराबरीमा भएपछि टाइब्रेकरबाट निर्णय भएको हो ।
अर्को खेलमा बेसीसहर युथ सोसाइटीले भिम्दा एफसीलाई ४-२ गोल अन्तरले हराएको छ ।
प्रतियोगिताको विजेताले ५० हजार र उपविजेताले २० हजार पाउने छन् ।
उत्कृष्ट खेलाडीले २ हजार ५ सय पाउने आयोजकले जनाएको छ ।
प्रतियोगिताको मिडिया पार्टनरमा खेलपाटी डटकम रहेको छ ।
