काठमाडौं । २४ औं खुल्ला तथा उमेर समूह पौडी प्रतियोगिता बैशाख २२ बाट हुने भएको छ ।
नेपाल पौडी संघले बिहीबार पत्रकार सम्मेलन गर्दै प्रतियोगिता बैशाख २२ र २३ गते हुने जनाएको छ ।
अन्तर्राष्ट्रिय खेलकुद परिसर सातदोबाटोमा हुने प्रतियोगितामा कुल २३ विधामा प्रतिस्पर्धा हुनेछ ।
प्रतियोगितामा महिला र पुरुष गरि करिब १५० जना खेलाडीको सहभागिता हुने संघले जनाएको छ ।
प्रतियोगिता हंगेरीमा हुने १९ औ विश्व पौडी प्रतियोगिता, ९ औं राष्ट्रिय खेलकुद प्रतियोगिता पोखरा र चीनमा हुने एसियन गेम्सलाई मध्यनजर गरेर आयोजना गर्न लागिएको संघले जनाएको छ ।
यस प्रतियोगिता १९ औं विश्व पौडी प्रतियोगिताको अन्तिम तथा एशियाली खेलको लागि पहिलो चरणको छनौट प्रतियोगिता समेत रहेको संघले जनाएको छ ।
प्रतियोगितामा राष्ट्रिय कीर्तिमान बनाउने खेलाडीले नगद १० हजार प्राप्त गर्ने संघका अध्यक्ष अशोक बज्राचार्यले जानकारी गराए ।
