काठमाडौं । न्युज २४ टेलिभिजनले प्रथम मिडिया कप फुटसल प्रतियोगिताको उपाधि जितेको छ ।
च्यासलस्थित नेसनल स्पोर्ट्स सेन्टरमा मंगलबार भएको फाइनलमा नेपाल पत्रकार महासंघको ललितपुर शाखालाई ५-२ गोल अन्तरले हराउँदै न्युज २४ ले उपाधि जितेको हो ।
उपाधिसँगै न्युज २४ ले २५ हजार र उपविजेता ललितपुर शाखाले १५ हजार नगद प्राप्त गरेको छ ।
प्रतियोगितामा १६ टोलीको सहभागिता रहेको थियो ।
फाइनलमा नेपाल पत्रकार महासंघले आफ्नो ६७ औं स्थापना दिवसको अवसरमा प्रतियोगिता आयोजना गरेको हो ।
विजेताहरुलाई युवा तथा खेलकुद मन्त्री महेश्वर गहतराजले पुरस्कृत गरे ।
