काठमाडौं । एएफसी फुटसल एसियन कप छनोट खेल्ने नेपाली फुटसल टोलीलाई बिदाइ गरिएको छ । अखिल नेपाल फुटबल संघ (एन्फा) ले मंगलबार फुटसल टोलीलाई बिदाइ गरेको हो ।
एन्फा अध्यक्ष कर्मा छिरिंग शेर्पा, महासचिव इन्द्रमान तुलाधर लगायतले नेपाली टोलीलाई बिदाइ गरेका हुन् । नेपाली टोली आज मंगलबार अपरान्ह त्यसतर्फ प्रस्थान गर्ने छन् ।
किर्गिस्तानमा आयोजना हुने छनोटको सेन्ट्रल र साउथ जोन अन्तर्गत नेपाल समूह 'बी' मा रहेको छ । नेपालको समूहमा उज्वेकिस्तान, ताजिकिस्तान र अफगानिस्तान रहेका छन् ।
छनोटका लागि मुख्य प्रशिक्षक गौरव बस्नेतले १४ सदस्सीय टोलीको घोषणा गरिसकेको छ ।
राष्ट्रिय फुटसल टिमः
गोलकिपर - अनिश श्रेष्ठ, विश्वास पौडेल
फिक्सो - विजय श्रेष्ठ, सरोज तामाङ, सुरज गुरुङ
अला - आदिम हामिद, कृजल खड्का, मनि कुमार लामा, रोशन छन्त्याल, सुमित श्रेष्ठ, उर्केन शेर्पा
पिभोट - हेमन्त गुरुङ, खिमराज गुरुङ, किशोर गुरुङ
