रश्मी भुटान लागिन्

काठमाडौं। नेपाली राष्ट्रिय टोलीकी फरवार्ड रश्मीकुमारी घिसिङले भुटानी लिग खेल्ने भएकी छन्।

उनलाई ट्रान्सपोर्ट युनाइटेड एफसीले अनुबन्ध गरेको हो। रश्मी विभागीय टोली एपीएफ क्लबमा अनुबन्ध थिइन्। तर, एन्फा महिला लिगमा एपीएफले एक खेल पनि खेल्न पाएको थिएनन्।

एन्फाले सूचना निकाल्दै लिग अनिश्चितकालका लागि बन्द गरेको थियो। त्यसयता नेपालमा फुटबल हुन सकेको छैन।

ट्रान्सपोर्ट जारी लिगमा तेस्रो स्थानमा छ। ९ खेल खेलेको ट्रान्सपोर्टले ६ जित, २ बराबरी र एक हारसहित २० अंक जोडेको छ। यो क्लबमा आबद्द हुने उनी चौथो खेलाडी हुन्।

डिफेन्डरद्वय दीपा शाही र समीक्षा घिमिरे तथा मिडफिल्डर अनिता केशीले जारी लिग खेलिरहेका छन्।