स्वर्ण पदक खोसियो, ८ वर्षको प्रतिबन्ध

काठमाडौं। काजकिस्तानका भारोत्तोलन खेलाडी निजात रहिमोभले २०१६ को रियो ओलम्पिकमा जितेको स्वर्ण पदक खोसिएको छ ।

डोपिङमा असफल भएपछि रहिमोभको स्वर्ण पदक खोसिएको हो ।

यस्तै उनलाई आठ वर्षको प्रतिबन्ध लगाईएको छ ।

उनको २०१६ को मार्च १५ पछिका सबै नतिजाहरु समेत रद्द गरिएको छ ।

२०१५ को विश्व च्याम्पियन रहिमोभलाई २०१३ मा पनि दुई वर्षको प्रतिबन्ध गरिएको थियो ।

रियो ओलम्पिकमा उनले ७७ केजी तौल समूहमा स्वर्ण जितेका थिए ।