स्पेशल अवार्ड डा. अजय राणालाई 

काठमाडौं । एनएसजेएफ पल्सर स्पोर्ट्स अवार्ड अन्तर्गतको स्पेशल अवार्ड डा. अजय राणालाई प्रदान गरिएको छ । 

तत्कालिन सदस्य सचिव शरदचन्द्र शाहले काठमाडौंमा पहिलो दक्षिण एसियाली खेलकुदको आयोजना गर्दा दक्षिण एसियाका सबै खेलाडीको स्वास्थ्य व्यवस्थाको जिम्मा राणाको काँधमा आएको थियो । 

खासमा नेपाली खेलकुदमा स्वास्थ्यको प्रसंग उठ्नै वितिकै डा. अजय राणाको नाम अगाडी आउछ । 

राष्ट्रिय खेलकुद परिषद गठन भएको २४ वर्षपछि बल्ल मात्र राखेपमा खेल चिकित्सकको लागी ढोका खुलेको थियो ।

सन् १९८२ को एसियाली खेलकुदमा भाग लिँदा खेलकुद परिषदका तत्कालिन संरक्षक बसुन्धरा शाह र सदस्य सचिव शरदचन्द्र शाहले खेल चिकित्सकको अभाव महुशश गरे ।

अनि खोजि गर्दै जादा डा. अजय राणा फेला परे । 

अजय राणा आफ्नो समयका हक्की र फुटबलका अब्बल खेलाडी थिए । 

सन् १९७२ मा उनी हक्कीको राष्ट्रिय टिमका लागि छनोट भए र त्यहि बेला डाक्टरी पढ्ने सूचीमा पनि नाम निस्कियो ।
उनले पढाई रोजे र भारत पुगे । 

तर नेपालको पहिलो चिकित्सकका रुपमा खेलकुदमा उनको प्रवेश भयो ।

दक्षिण एसियाली खेलकुदपछि डा. राणाको क्षमता देश भित्रमात्र होइन, अन्तर्राष्ट्रिय रुपमा स्थापित हुनपुग्यो ।     

फिफाको मेडिकल इन्ट्रक्टर, एएफसीको प्यानल अफ मेडिकल एक्सपर्ट, विश्व ब्याडमिन्टनको अन कोर्ट डाक्टर, अन्तर्राष्ट्रिय सफ्ट टेनिस महासंघको मेडिकल एन्ड एन्टि डोपिङ कमिटीका चेयरम्यान बने । विश्व बक्सिङ महासंघका उनी अन कोर्ट डाक्टर हुन् ।