राष्ट्रिय फुटबल टिमले मनायो होली पर्व 

काठमाडौं । रङहरुको पर्व होली अर्थात् फागु पूर्णिमा आज पहाडी जिल्लामा हर्षोल्लासपूर्वक मनाइरहेका छन् ।

हरेक वर्ष फागुन शुक्ल पूर्णिमाका दिन यो पर्व मनाउने गरिन्छ । तराई क्षेत्रमा भने भोलि मात्र होली मनाईन्छ ।

यसै क्रममा नेपाली राष्ट्रिय फुटबल टिमले समेत आज होली मनाएका छन् ।

थाइल्याण्डसँगको मैत्रीपूर्ण खेलका लागि बन्द प्रशिक्षणमा रहेका नेपाली टोलीले एन्फा कम्प्लेक्समा होली मनाएको हो ।

मुख्य प्रशिक्षक अब्दुल्लाह अल्मुताईरीले बन्द प्रशिक्षणका लागि २५ खेलाडी बोलाएका छन्  ।

नेपालले थाइल्याण्डसँग मार्च २४ मा खेल्नेछ ।

यस्तै नेपालले थाइल्याण्डको क्लब चोनबरी एफसीसँग पनि मैत्रीपूर्ण खेल खेल्नेछ । उक्त खेल मार्च २७ मा हुनेछ । दुबै खेल चोनबरीमा हुने एन्फाले जनाएको छ ।

एएफसी एसियन कप छनोट अन्तर्गत तेस्रो चरणको खेल अघि नेपालले थाइल्याण्डसँग खेल्न लागेको हो ।