कबड्डी खेलाडीको हत्या

काठमाडौं । भारतका अन्तर्राष्ट्रिय कबड्डी खेलाडी सन्दीप सिंहको गोली हानी हत्या गरिएको छ । 

जलन्धर जिल्लाको मालियान गाँउमा एक कबड्डी खेलका क्रममा सिंहमाथि गोली प्रहार गरि हत्या गरिएको हो ।

उनको टाउको र छातीमा कम्तिमा २० गोली प्रहार गरिएको बताइएको छ । 

शालकोटको नानगाल अम्बियन गाँउका सिंहले क्यानाडा, अमेरिका र बेलायतमा व्यावसायिक कबड्डी खेलेका थिए । 

बेलायतमा बसोबास गर्दै आएका सिंह भारतमा वैवाहिक कार्यक्रममा सहभागि हुन तथा कबड्डी प्रतियोगिता आयोजना गर्नका लागि आएका थिए ।