टेष्टको लागि भारतले तयार गरेको पिचको चर्को आलोचना

एजेन्सी । भारतीय क्रिकेट विज्ञ आकाश चोप्राले भारत र श्रीलंकाबीचको भएको दोस्रो टेष्ट खेलका लागि तयार पारिएको मैदानको आलोचना गरेका छन् ।

चोप्राले दोस्रो टेष्टको लागि तयार पारिएको पिच चर्किएकोबारे पहिलो दिनको खेलमा नै प्रश्न उठाएका छन् ।

बैंगलोरको एम चिन्नास्वामी स्टेडियमको पिचले आफ्नो स्वभाब खेलको पहिलो ओभरबाट नै देखाउन सुरु गरेको थियो ।

पहिलो दिनको समाप्तिमानै १६ विकेट निस्किएको खेलमा श्रीलंका ८६ रन बनाउँदा ६ विकेट गुमाएको थियो भने त्यसअघि भारतत २ सय ५२ रनबनाउँदा अलआउट भएको थियो ।

चोप्राले आफ्नो युटुब च्यानलमा एक भिडियो सार्वजनिक गरेका छन् जसमा उनी पिचबारे निकै आलोचनात्मक देखिएका छन् ।

'हामीलाई यस्तो पिच किन चाहियो ? पहिलो ओभरमानै पिचको माटो उड्न सुरु भएको थियो ।' चोप्राले पिचबारे प्रश्न गर्दै भनेका छन्, 'यदि पहिलो दिनको पहिलो ओभरमा नै माटो उड्न सुरु गर्छ भने यो खेल कतै पुग्ने छैन, यो खेल ४ वा ५ दिन टिक्ने सक्दैन ।'  

पुर्व भारतीय खेलाडी चोप्राले यस्तो पिच अहिले सामान्य बन्दै गएको समेत बताए । 'यहाँ के भयो भने, पहिलो दिनको पहिलो बल आफै भन्छ कि यो खेल क्षणिक हुनेछ ।' उनले थपे, 'तर किन यस्तो पिच तयार गरिन्छ र यस्तो किन बारम्बार हुँदैछ ?'

'अन्तिम पटक पिंक बल टेष्ट म्याच खेल्दा, खेल क्षणिक भएको थियो । चेन्नाईको दोस्रो टेष्टको पिच समेत टुक्रिएको थियो जहाँ बल निकै घुमेको थियो ।' चोप्राले भारतमा खेलिएक अघिल्ला टेष्ट खेलहरुको उदहारण दिंदै भनेका छन्,'म पुनेको खेल सम्झन्छु, दक्षिण अफ्रिकाविरुद्धको नागपुर र मोहालीको खेल सम्झन्छु । यदि हामी बारम्बार यस्तो पिच तयार गर्छौं भने यो राम्रो कुरा होइन ।'

'घरेलु मैदानमा खेलिएको खेलम भारतले पछिल्लो समय घरेलु ब्याटर समेत संघर्ष गर्दै छन् ।' उनले थपे, 'घरेलु टेष्ट मैदानमा विराट कोहली, अजिंक्या राहाणे, चेतेश्वर पुजारा समेत बलर मैत्री पिचको कारण सिकार बन्दै आएका छन् । 

यस्तै बलरहरुले बल फाल्दैमा विकेट प्राप्त गर्न नहुने चोप्राले चर्चा गरेका छन् ।

'यहाँ कुनै प्रतिस्पर्ध नै छैन । स्किल महत्वपूर्ण हुनु पर्छ । यदि तपाईं राम्रो बाँया हाते राम्रो स्पिनर हुनुहन्छ भने मात्र विकेट प्राप्त गर्नु हुन्छ ।' उनले भने, 'यदि तपाई जोरले बल फाल्नु हुन्छ अनि बल कहिले उफ्रिंच कहिले तल बस्छ भने त्यसको के मतलब ।'

बैंगलोरको पिचले जति सक्दो आलोचना पाउनु पर्ने  ४४ वर्षे चोप्राले तर्क गरेका छन् । 

'हामीले रावलपिन्डीको मैदान (पाकिस्तान र अष्ट्रेलियाको टेष्ट जारी) खराब भन्छौं, अझ त्यसलाई बाटोको संघया नै दिन्छौं ।' पाकिस्तान र अष्ट्रेलियाको टेष्ट मैदानलाई उदृत गर्दै चोप्रा भन्छन्, 'म भन्छु यो पिच (बैंगलोरको चिन्नास्वामी) पनि खराब छ किनकि ब्याटरहरु स्किल भन्दा भाग्यमा भर पर्नु परेको छ । यद्दपी श्रयस अयरले हामीलाई फरक काहानी भनेका छन् ।'

श्रेयस ऐयर एकमात्र ब्याटर हुन् जो बैंगलोरमा श्रीलंकाविरुद्ध पहिलो दिन ५० रनको अर्धशतकीय इनिङ खेलेका थिए । उनी दुर्भाग्यवस दोस्रो टेष्ट शतकबाट ८ रनले पछि परेका थिए ।